উত্তৰ-পূব গ্ৰীচৰ কাভালা চহৰৰ সমীপত এখন মালবাহী বিমান দুৰ্ঘটনাগ্ৰস্ত হৈ বিমানখনত থকা ৮ জন লোকৰ মৃত্যু হৈছে। গ্ৰীচৰ ৰাষ্ট্ৰীয় সম্প্ৰচাৰক ERTৰ মতে, বিমানখন এণ্টন’ভ এ-১২, (Antov an-12) অস্ত্ৰ-শস্ত্ৰ আৰু অন্যান্য সামগ্ৰী লৈ বাংলাদেশলৈ উৰা মাৰিছিল। বিষয়াসকলে জনোৱা মতে, ছাৰ্বিয়াৰ পৰা জৰ্ডানলৈ উৰা বিমানখন গ্ৰীচৰ পেলিঅ’চ’ৰি গাঁৱৰ ওচৰত গভীৰ নিশা দুৰ্ঘটনা পতিত হয়৷
বিবিচিৰ প্ৰতিবেদন অনুসৰি স্থানীয় বাসিন্দাসকলে স্থানীয় সময় অনুসৰি প্ৰায় ২২:৪৫ (১৯.৪৫ জিএমটি) বজাত অগ্নিদগ্ধ হৈ বিমানখন সৰি পৰা দেখিছিল। স্থানীয় খবৰ অনুসৰি ইউক্ৰেইনৰ এটা কোম্পানীয়ে চলাই থকা বিমানখনত ১২ টন অতি বিপজ্জনক সামগ্ৰী কঢ়িয়াই নিয়া হৈছিল।
চৰকাৰী সংবাদ মাধ্যমৰ খবৰ অনুসৰি ছাৰ্বিয়াৰ নিছ বিমানবন্দৰৰ পৰা জৰ্ডানৰ আম্মানলৈ উৰা মাৰিছিল মালবাহী বিমানখন। বিমানখনৰ পাইলটে আগতীয়াকৈ অগ্নিৰ সূত্ৰপাত হোৱাৰ সম্ভেদ লাভ কৰি ওচৰৰ কাভালা বিমানবন্দৰত জৰুৰীকালীন অৱতৰণৰ বাবে অনুমোদন বিচাৰিছিল যদিও সেই স্থানত পোৱা পূৰ্বেই বিমানখন দুৰ্ঘটনাত পতিত হয়৷
#BREAKING: Reported scene of Ukranian cargo plane crash in Kavala, Greece. Reports that the Antonov An-12BK lost an engine before crashing.
Unclear how many people were on-board and if the plane was carrying equipment.
pic.twitter.com/NwaVslWzaC— Moshe Schwartz (@YWNReporter) July 16, 2022
লগতে পঢ়ক প্ৰেমৰ অসীম শক্তিত পৰাভূত ধৰ্মৰ প্ৰাচীৰ! মন্দিৰত হিন্দু যুৱকেৰে বিবাহ মুছলমান যুৱতীৰ
গ্ৰীচৰ ষ্টেট টিভিয়ে প্ৰকাশ কৰা অনুসৰি গ্ৰীচৰ পাৰমাণৱিক শক্তি আয়োগৰ সামৰিক বাহিনীৰ বিস্ফোৰক বিশেষজ্ঞ আৰু কৰ্মচাৰীসকলে নিৰাপদ বুলি নিশ্চিত নকৰালৈকে বিমানখনৰ উদ্ধাৰৰ বাবে দুৰ্ঘটনাসস্থলীলৈ নাযোৱাৰ সিদ্ধান্ত লৈছে।
উত্তৰ গ্ৰীচৰ অগ্নিনিৰ্বাপক বাহিনীৰ লেফটেনেণ্ট জেনেৰেল মাৰিঅ’ছ এপষ্ট’লিডিছে কয় যে এই সময়ত (বায়ু) জোখ-মাখ কৰিলেও একো দেখা নাযায় যদিও অঞ্চলটোত অস্থিৰতা দেখা গৈছে। তীব্ৰ ধোঁৱা আৰু তাপৰ লগতে চিনাক্ত কৰিবলৈ নোৱাৰা বগা পদাৰ্থও দেখা গৈছে৷
স্থানীয় সংবাদ মাধ্যমৰ খবৰ অনুসৰি দুৰ্ঘটনাস্থলীৰ পৰা নিৰ্গত হোৱা প্ৰচণ্ড গোন্ধৰ পিছত দুৰ্ঘটনাস্থলীৰ ওচৰত বাস কৰা লোকসকলক ঘৰৰ ভিতৰতে থাকিবলৈ আৰু মাস্ক পৰিধান কৰিবলৈ পৰামৰ্শ দিয়া হৈছে। বিষাক্ত ধোঁৱাৰ বাবে উশাহ লোৱাত অসুবিধা হোৱাত দেওবাৰে পুৱাৰ ভাগত দুজন অগ্নিনিৰ্বাপক বাহিনীৰ লোকক চিকিৎসালয়লৈ লৈ যোৱা হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
