পৃথিৱীৰ পাতল ক’ত বুলি প্ৰশ্ন কৰিলে কি মনলৈ আহে সততে! হয়তো পাতাল শব্দৰ অৰ্থ আপোনাৰ মনত এই ধৰাৰ তলত আছে। আনহাতে স্বৰ্গ আছে এই ধৰাৰ ওপৰত অৰ্থাৎ আকাশৰ অজান মুলুকত।
স্বৰ্গৰ কথা নাজানিলেও পাতাল এই ধৰাতেই আছে বুলি কব পৰা যায়। এই পৃথিৱীৰ বুকুতেই আছে এক এনে ঠাই যাক ধৰাৰ পাতাল বুলি কোৱা হয়। য’ত এতিয়াও বাস কৰি আছে ১০০ ৰো অধিক লোক। যি সকলে নিজকে পাতালৰ লোক বুলিয়ে কবলৈ অধিক ভাল পায়।
এটা গুহাৰ ভিতৰত আছে এই পাতাল। য’ত বাস কৰি থকা লোক সকলে অতি কষ্টেৰে পাৰ কৰি আছে দিন। মৌলিক সা-সুবিধাৰ পৰাও বঞ্চিত এই গাঁৱৰ লোকসকল, যি গাঁৱৰ ফটো বৰ্তমানে ছ’চিয়েল মিডিয়াত ভাইৰেল হৈ পৰিছে।
এই দুৰ্গম গাঁওখনৰ মানুহে বজাৰলৈ যাবলৈ হলে ১৫ কিলোমিটাৰ খোজ কাঢ়িব লাগে, কিন্তু ল’ৰা-ছোৱালীৰ বাবে পঢ়া-শুনা কৰিবলৈ ঠাই আৰু বাস্কেটবল ক’ৰ্টো আছে এই গুহাত।
পাছে এই গুহাত থকা গাঁওখন আছে ক’ত? এই গাঁওখনৰ নাম ঝংডং, যিখন চীনৰ গুইঝৌ প্ৰদেশত অৱস্থিত। এই গাঁৱৰ মানুহে যুগ যুগ ধৰি এই গুহাত বসবাস কৰি আহিছে। এই গুহাটো সমুদ্ৰপৃষ্ঠৰ পৰা ১৮০০ মিটাৰ উচ্চতাত অৱস্থিত।
২০০৮ চনত ইয়াত উপস্থিত থকা বিদ্যালয়খন চীন চৰকাৰে বন্ধ কৰি দিছিল, কাৰণ গুহাত বসবাস কৰাটো চীনা সভ্যতাৰ অংগ নহয়। এনে অৱস্থাত বৰ্তমানে ল’ৰা-ছোৱালীয়ে গাঁৱৰ পৰা আঁতৰত আন এখন স্কুললৈ গৈ প্ৰতিদিনে পুৱা-গধূলি দুঘণ্টা পঢ়া-শুনা কৰে।
আৰম্ভণিতে এই গাঁওখনত উপযুক্ত পথ নাছিল, মনোৰঞ্জনৰো কোনো সম্পদ নাছিল। কিন্তু এই গাওঁখন সংবাদ মাধ্যমত চৰ্চা হোৱাৰ লগে লগে চৰকাৰে ইয়াৰ উন্নয়নৰ প্ৰতি গুৰুত্ব দিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
