চীন চৰকাৰে দেশখনৰ প্ৰায় ৯০ লাখ লোকক পুনৰ গৃহবন্দী কৰিছে৷ সংবাদ মাধ্যমত প্ৰকাশ পোৱা খবৰ অনুসৰি দেশখনৰ উত্তৰ-পূৱত অৱস্থিত চাংচুন চহৰত চীন চৰকাৰে পুনৰ লকডাউন বলৱৎ কৰিছে৷
চৰকাৰে লকডাউন বলৱৎ কৰি চহৰখনৰ আৱাসীসকলক ঘৰৰ পৰা ওলাবলৈ মানা কৰিছে৷ পুনৰ দুটা বছৰৰ পিছত চীনৰ উক্ত চহৰখনত কৰোনা ভাইৰাছৰ সংক্ৰমণ ঘটাৰ বাবে চৰকাৰে লকডাউন বলৱৎ কৰাৰ সিদ্ধান্ত গ্ৰহণ কৰা বুলি জানিব পৰা গৈছে৷
চহৰখনত কৰোনা ভাইৰাছৰ ছাব-লিনিজ এ ৱাই. ৪ ডেল্টা ষ্ট্ৰেইনে চীনৰ তিনিখন চহৰত আতংকৰ সৃষ্টি কৰা বুলি জানিব পৰা গৈছে৷ চাংচুন, জেজাং আৰু ছানজি চহৰ আৰু প্ৰদেশত পুনৰ এই নতুন ভেৰিয়েণ্টেৰ ব্যাপক ৰূপত সংক্ৰমণ ঘটা বুলি জানিব পৰা গৈছে৷
লগতে পঢ়ক ৰাজধানীত নহয়, শ্বহীদ ভগৎ সিঙৰ গাঁৱত শপত গ্ৰহণ কৰিব ভগৱন্ত মানৰ পঞ্জাৱ আপ চৰকাৰে
চীনত পুনৰ তিনি প্ৰদেশত এইদৰে কোভিড ভাইৰাছৰ সংক্ৰমণ বৃদ্ধিয়ে নতুন আশংকাৰ সৃষ্টি কৰিছে৷ উল্লেখ্য যে চীনৰ য়ুহান প্ৰদেশত উৎপত্তি হোৱাৰ পিছতে সমগ্ৰ বিশ্বতে আতংকৰ সৃষ্টি কৰিছিল৷
ইপিনে যোৱা বৰ্ষৰ ডিচেম্বৰ মাহতো ছানজি প্ৰদেশৰ ১ কোটি ৩০ লাখ জনসংখ্যাৰ ৰাজধানী চহৰ জিয়ানটো লকডাউন বলৱৎ কৰা হৈছিল৷
শেহতীয়াভাৱে অ’মিক্ৰণ ভেৰিয়েন্টৰ সংক্ৰমণক লৈ গোটেই বিশ্বতে এক আতংকৰ সৃষ্টি হৈছে। তাৰ মাজতে চীনত আকৌ নতুন কোভিড-১৯ৰ প্ৰজাতিৰ সংক্ৰমণে উদ্বেগৰ সৃষ্টি কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
