চিআইডি অনুৰাগীৰ বাবে বিশেষ খবৰ! ২৭ বছৰৰ পাছত অন্ত পৰিব এচিপি প্ৰদ্যুমনৰ যাত্ৰা?
৯০ দশকৰ জনপ্ৰিয় ক্ৰাইম থ্ৰিলাৰ টিভি শ্ব’ চিআইডি পুনৰ দ্বিতীয় ছিজনৰ সৈতে দৰ্শকৰ মাজলৈ। ইয়াৰ খণ্ডসমূহ অ’টিটি প্লেটফৰ্ম নেটফ্লিক্সত ষ্ট্ৰীম কৰা হৈছে। চিআইডি পুনৰ উভতি অহাৰ পিছৰে পৰা অনুৰাগীয়ে এই অনুষ্ঠান আকৌ আগৰ দৰে আকোৱালী লৈছে।
পাছে এতিয়া শ্ব’টোৰ সৈতে জড়িত এটা আচৰিত খবৰ আহিছে। ইণ্ডিয়া টুডেৰ প্ৰতিবেদন অনুসৰি এচিপি প্ৰদ্যুমনৰ যাত্ৰা শেষ হ’বলৈ ওলাইছে।
প্ৰদ্যুমনৰ চৰিত্ৰত অভিনয় কৰিছে অভিনেতা শিৱাজী সতমে। শ্ব’টোত আগন্তুক খণ্ডত বোমা বিস্ফোৰণত মৃত্যু হ’ব এচিপি প্ৰদ্যুমনৰ। ইয়াৰ লগে লগে চি আই ডিৰ পৰা শেষ হ’ব এচিপি প্ৰদ্যুমানৰ যাত্ৰা তথা চৰিত্ৰ।
ইণ্ডিয়া টুডেৰ প্ৰতিবেদন অনুসৰি চি আই ডিৰ আগন্তুক খণ্ডত দেখা যাব যে বাৰ্বোছাৰ চৰিত্ৰত অভিনয় কৰা টিগমাংশু ঢুলীয়াই চি আই ডিৰ দলটোক আক্ৰমণ কৰাৰ ষড়যন্ত্ৰ কৰিব। এই আক্ৰমণৰ পৰা দলৰ আন সদস্যসকল বাচিব কিন্তু এচিপি প্ৰদ্যুমনৰ মৃত্যু হ’ব।
ইণ্ডিয়া টুডেৰ সৈতে হোৱা কথা-বতৰাত চিআইডিৰ এক সূত্ৰই কয় যে, ‘চিআইডিৰ দলটোৱে শেহতীয়াকৈ এই খণ্ডটোৰ শ্বুটিং কৰিছে। কিছুদিনৰ পিছত এই খণ্ডটো টেলিকাষ্ট কৰা হ’ব। কিন্তু শ্ব’টোৰ সৈতে জড়িত বহু তথ্য এতিয়াও শ্বেয়াৰ কৰা হোৱা নাই কাৰণ মেকাৰসকলে বিচাৰে যে শ্ব’টো টেলিকাষ্ট হ’লেহে অনুৰাগীসকলে এই খবৰ লাভ কৰক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
