গ্ৰীষ্মকাল চলি আছে৷ গ্ৰীষ্মকালত বহুতেই নাৰিকল বা ডাবৰ পানী সেৱন কৰে৷ দেহক হাইড্ৰেটেড কৰি ৰখাৰ প্ৰয়োজনতেই ডায়েট জুছৰ পৰা আৰম্ভ কৰি নাৰিকলৰ পানী সেৱন কৰে প্ৰায়সংখ্যক লোকেই৷ বহুসংখ্যক লোকেই নাৰিকলৰ পানী বেছিকৈ পছন্দ কৰে আৰু স্বাস্থ্যৰ বাবে ই খুবেই উপকাৰী৷ ইয়াত থকা ভিটামিন চি, ই, কেলছিয়াম আৰু পটাছিয়াম স্বাস্থ্যৰ বাবে বহু উপকাৰী৷ কিছু মানুহৰ বাবে নাৰিকলৰ পানী অৱশ্যে ক্ষতিৰো কাৰণ হ’ব পাৰে৷ ইয়াত থকা পটাছিয়াম কিছু মানুহৰ বাবে সমস্যাৰ সৃষ্টি কৰিব পাৰে৷ জানি থওক কি কি ৰোগৰ বাবে নাৰিকলৰ পানী সেৱন কৰাটো ক্ষতিকাৰক হ’ব পাৰে?
১. কিডনি সংক্ৰান্তীয় ৰোগ
যিসকলৰ কিডনি সংক্ৰান্তীয় কোনো ৰোগ আছে তেওঁলোকে নাৰিকলৰ পানী সেৱন কৰাটো উচিত নহয়৷ নাৰিকলৰ পানীত থকা পটাছিয়াম কিডনিয়ে ফিল্টাৰ কৰিব নোৱাৰে৷ কিডনি ৰোগৰ কাৰণে তেনে ৰোগীৰ শৰীৰত পটাছিয়াম আৰু ছডিয়ামৰ পৰিমাণ বেছি থাকে৷ এই অৱস্থাত নাৰিকলৰ পানী সেৱন কৰিলে হাইপাৰকেলমিয়া হোৱাৰ আশংকা বাঢ়ি যায়৷ ইয়াৰ ফলত হাৰ্টৰেট বাঢ়ি যোৱা আৰু বুকুত ধৰফৰনি বঢ়াৰ দৰে সমস্যাই দেখা দিব পাৰে৷
২. ডায়বেটিছ আক্ৰান্ত ৰোগী
যাৰ ডায়াবেটিছৰ সমস্যা আছে তেওঁলোকেও নাৰিকলৰ পানী খোৱা উচিত নহয়৷ নাৰিকলৰ পানী গ্লাইছেমিক ইনডেক্স আৰু কাৰ্বহাইড্ৰেট বেছি থাকে, যাৰ ফলত ছুগাৰ লেভেল বাঢ়ি যোৱাৰ আশংকা থাকে৷
৩. বয়স্ক ব্যক্তি
বেছি বয়সৰ মানুহে প্ৰতিদিনে নাৰিকলৰ পানী পান কৰাৰ পৰা বিৰত থকা উচিত৷ ইয়াত পটাছিয়ামৰ পৰিমাণ বেছি থাকে, যাৰ ফলত খুব বেছি নাৰিকলৰ পানী পান কৰিলে শৰীৰত পটাছিয়ামৰ মাত্ৰা বাঢ়ি যাব পাৰে, যিয়ে হাৰ্টৰ কাৰ্যক্ষমতাৰ ওপৰত প্ৰভাৱ পেলাব পাৰে৷
৪. এলাৰ্জিৰ সমস্যা
যাৰ এলাৰ্জিৰ সমস্যা আছে তেওঁলোকেও নাৰিকলৰ পানী পান কৰাৰ পৰা বিৰত থকা উচিত৷ ইয়াৰ ফলত ছালত খজুৱতি, জ্বলাপোৰা আদি সমস্যা বাঢ়িব পাৰে৷
৫. উচ্চ ৰক্তচাপৰ সমস্যা
যাৰ উচ্চ ৰক্তচাপ বা হাই বিপিৰ সমস্যা থাকে বা ঔষধ গ্ৰহণ কৰি আছে তেওঁলোকে নাৰিকলৰ পানী খোৱা উচিত নহয়৷ ইয়াৰ ফলত ৰক্তচাপৰ সমস্যা বাঢ়ি যোৱাৰ আশংকা থাকে৷
৬. পৰিমাণৰ দিশৰ প্ৰতি নজৰ ৰাখক
বেছিভাগ মানুহেই গৰমকালত প্ৰতিদিনে নাৰিকলৰ পানী পান কৰে৷ কিন্তু ওপৰত উল্লেখিত ব্যক্তিসকলে নাৰিকলৰ পানী প্ৰতিদিনৰ ডায়েটত ৰাখিব নালাগে৷ যদি আপুনি ৰ’দত বাহিৰলৈ ওলাই যায়, আপুনি খুবেই বেছিকৈ ঘামে তেন্তে আধা গ্লাছ নাৰিকলৰ পানী গ্ৰহণ কৰিব পাৰে৷
৭. শৰীৰত পটাছিয়াম বৃদ্ধিৰ প্ৰভাৱ
উচ্চ পটাছিয়াম স্তৰক চিকিৎসাৰ পৰিভাষাত কোৱা হয় হাইপাৰকেলেমিয়া৷ এই অৱস্থাই হাৰ্টৰ কাৰ্যক্ষমতাক বাধা দিব পাৰে৷ ইয়াৰ ফলত হাৰ্টবিট অস্বাভাৱিক হব পাৰে বা কিছু নিৰ্দিষ্ট শাৰীৰিক পৰিস্থিতিত গুৰুতৰ জটিলতাইয়ো দেখা দিব পাৰে৷
নাৰিকলৰ পানীৰ উপকাৰিতা
- নাৰিকলৰ পানীয়ে শৰীৰক হাইড্ৰেটেড ৰখাত সহায় কৰে৷
- ই অক্সিডেটিভ ষ্ট্ৰেছৰ পৰা ৰক্ষা কৰাত সহায়ক হিচাপে কাম কৰে৷
- নাৰিকলৰ পানীয়ে ডাইজেছন চিষ্টেমক সুস্থ ৰখাত সহায় কৰে৷
- ই ওজন কমোৱাত সহায় কৰে৷
- নাৰিকলৰ পানীয়ে ছালক সুস্থ ৰখাত সহায় কৰে৷
- ই চুলিক সুস্থ স্বাস্থ্য প্ৰদান কৰে৷
- নাৰিকলৰ পানীয়ে শৰীৰক ডিটক্স কৰাত সহায় কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
