কংগ্ৰেছ নেতা ৰাহুল গান্ধীয়ে তেওঁৰ নেপালী বন্ধুৰ বিবাহৰ উপলক্ষ্যে কাঠমাণ্ডুত উপস্থিত থকাকলৈ বিজেপিয়ে তীব্ৰ আক্ৰমণ কৰা পৰিলক্ষিত হৈছে৷
বিজেপিয়ে ৰাহুল গান্ধীয়ে কংগ্ৰেছ শাসিত ৰাজস্থান হিংসাত্মক ঘটনাত জৰ্জৰিত হৈ থকাৰ সময়তো বিদেশী ৰাষ্ট্ৰৰ নাইট ক্লাৱত পাৰ্টি কৰা বুলি ৰাহুল গান্ধীক আক্ৰমণ কৰা দেখা গৈছে৷
ৰাহুল গান্ধীৰ এটা ভিডিঅ’ ভাইৰেল হোৱাৰ পিছতে বিজেপিয়ে এইদৰে কংগ্ৰেছ নেতাগৰাকীক আক্ৰমণ কৰা দেখা গৈছে৷ বিজেপিয়ে দাবী কৰিছে যে ৰাহুল গান্ধীয়ে কাঠমাণ্ডুৰ এখন নাইট ক্লাৱত নৈশ পাৰ্টিত ব্যস্ত আছে৷
লগতে পঢ়ক দূৰাৰোগ্য ৰোগত আক্ৰান্ত ৰাষ্ট্ৰপতি পুটিন : হস্তান্তৰ কৰিব ৰাজ ক্ষমতা!
ইয়াৰ পিছতে কংগ্ৰেছেও বিজেপিৰ এই আক্ৰমণৰ প্ৰত্যুত্তৰ দিবলৈ আৰম্ভ কৰিছে৷ কংগ্ৰেছে ৰাহুল গান্ধীক সমৰ্থন কৰি কয় যে বন্ধুৰ বিয়াত উপস্থিত থকাটো কোনো অপৰাধ হ’ব নোৱাৰে৷
কংগ্ৰেছে প্ৰধানমন্ত্ৰী নৰেন্দ্ৰ মোদীৰ পুৰণি প্ৰসংগ টানি আনি বিজেপিক তীব্ৰ প্ৰত্যাক্ৰমণ কৰা দেখা গৈছে৷ কংগ্ৰেছে কৈছে যে পাকিস্তানৰ পূৰ্ব প্ৰধানমন্ত্ৰী নৱাব শ্বৰীফৰ কন্যাৰ বিবাহ অনুষ্ঠানত হঠাতে উপস্থিত হৈ প্ৰধানমন্ত্ৰী নৰেন্দ্ৰ মোদীয়ে কেক কটাতকৈ ই কম বিপদজনক৷
‘‘প্ৰধানমন্ত্ৰী নৰেন্দ্ৰ মোদীয়ে অনিমন্ত্ৰিত অতিথি হৈ নৱাজ শ্বৰীফৰ সৈতে কেক কাটিবলৈ যোৱাৰ দৰে ৰাহুল গান্ধীয়ে পাকিস্তানলৈ যোৱা নাই আৰু পাঠানকোটত কি হৈছিল সেয়া আমি জানো৷’’ কংগ্ৰেছৰ মুখপাত্ৰ ৰণদীপ সুৰজেৱালাই বিজেপিক প্ৰত্যাক্ৰমণ কৰি এইদৰে কয়৷
লগতে পঢ়ক প্ৰদেশ কংগ্ৰেছত আভ্যন্তৰীণ সংঘাত : কোন কোন জ্যেষ্ঠ নেতাই লেং মাৰিলে ভূপেন বৰাক?
‘‘ৰাহুল গান্ধীয়ে এজন সাংবাদিকৰ বিয়াত উপস্থিত থাকিবলৈ নেপাললৈ গৈছে আৰু ইয়াত কোনো ভুল নাই, দৰাচলতে এয়া আমাৰ সংস্কৃতিৰে অংশ। প্ৰধানমন্ত্ৰী আৰু বিজেপিয়ে কাৰোবাৰ বিয়াত উপস্থিত থকাটোকো অপৰাধ বুলি গণ্য কৰিব পাৰে৷ ই কোনো ধৰণৰ অপৰাধ নহয়।’’ বুলি কৈ সুৰজেৱালাই বিজেপিৰ মুখপাত্ৰ অমিত মালব্যৰ টুইটৰ প্ৰত্যুত্তৰ দি এইদৰে বিজেপিৰ লগতে প্ৰধানমন্ত্ৰী নৰেন্দ্ৰ মোদীকো তীব্ৰ আক্ৰমণ কৰে৷
বিজেপিৰ মুখপাত্ৰ এই অমিত মালব্যই ৰাহুল গান্ধীৰ উক্ত ভিডিঅ’টো সামাজিক মাধ্যমত ভাইৰেল কৰি আক্ৰমণ কৰিছিল৷ অৱশ্যে মালৱ্যৰ এই টুইটৰ পিছতে কংগ্ৰেছৰ বাহিৰেও বহু টুইটাৰ ব্যৱহাৰকাৰীয়ে ৰাহুল গান্ধীৰ সমৰ্থনতো টুইট কৰা দেখা গৈছে৷ তেওঁলোকৰ মতে ৰাহুল গান্ধীয়ে বিবাহ অনুষ্ঠানত উপস্থিত ssথকাটো তেওঁৰ ব্যক্তিগত বিষয়৷
লগতে পঢ়ক আকৌ ক্লীণ ব’ল্ড অৰুণ লাল, ৩৮ বছৰীয়া যুৱতীৰে দ্বিতীয় বিবাহ প্ৰাক্তন ক্ৰিকেটাৰগৰাকীৰ
নেপালৰ সংবাদ পত্ৰ কাঠমাণ্ডু পোষ্ট-এ মঙলবাৰে এক সূত্ৰৰ উদ্ধৃতি দি কয় যে ৰাহুল গান্ধী সোমবাৰে আন তিনিজন লোকৰ সৈতে কাঠমাণ্ডুত উপস্থিত হোৱা গৈছিল।
ৰাহুল গান্ধীয়ে তেওঁৰ নেপালী বন্ধু চিএনএনৰ প্ৰাক্তন সাংবাদিক আৰু বৰ্তমান লুম্বিনী সংগ্ৰহালয়ৰ কাৰ্যবাহী সঞ্চালকৰ বিয়াত উপস্থিত থাকিবলৈ কাঠমাণ্ডুত উপস্থিত আছে। সংবাদ পত্ৰখনৰ মতে মঙলবাৰ আৰু বৃহস্পতিবাৰে বিবাহৰ দুটা অভ্যৰ্থনা অনুষ্ঠান অনুষ্ঠিত হোৱাৰ কথা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
