ৰায়বৰেলীতে থাকিব ৰাহুল গান্ধী, ৱায়নাডলৈ প্ৰিয়ংকা, তথাপি ৱায়নাডৰ সকলো প্ৰতিশ্ৰুতি পূৰণ কৰিব ৰাহুলে
কংগ্ৰেছ নেতা ৰাহুল গান্ধীয়ে কেৰালাৰ ৱায়ানাড আসন ত্যাগ কৰাৰ কথা ঘোষণা কৰিছে। লোকসভা নিৰ্বাচনত ৰাহুল গান্ধীয়ে ৱায়ানাদৰ লগতে ৰায়েবৰেলীৰ পৰাও প্ৰতিদ্বন্দ্বিতা কৰিছিল। নিৰ্বাতন বিপুল ভোটৰ ব্যৱধানত দুয়োখন আসন লাভ কৰিছিল ৰাহুলে। কিন্তু সংসদৰ নিয়ম অনুসাৰে এজন সাংসদে এখন হে আসনত থাকিব পাৰে।
এনে পৰিস্থিতিত এতিয়া ৰাহুল গান্ধীয়ে ৰায়েবৰেলীৰ আসনত থাকি ৱায়ানাড এৰাৰ কথা ঘোষণা কৰে। এই ঘোষণাৰ পাছতে আন এক ঘোষণা- খালী হোৱা ৱায়নাডৰ উপ-নিৰ্বাচনত কংগ্ৰেছৰ হৈ প্ৰতিদ্বন্দিতা আগবঢ়াব প্ৰিয়ংকা গান্ধীয়ে। প্ৰিয়ংকাই প্ৰথমবাৰৰ বাবে ৱায়ানাডৰ আসনৰ পৰা প্ৰতিদ্বন্দ্বিতা কৰিব বুলি দলটোৱে সিদ্ধান্ত গ্ৰহণ কৰিছে।
ৱায়ানাডৰ আসন এৰি যোৱাৰ সময়ত ৰাহুল গান্ধীয়ে কয় যে ৰায়বৰেলী আৰু ৱায়ানাডৰ সৈতে মোৰ আৱেগিক সম্পৰ্ক আছে। যোৱা পাঁচ বছৰত ৱায়ানাডৰ সাংসদ আছিলো। তাত থকা সকলো মানুহ, প্ৰতিটো দলৰ মানুহে মৰম দিলে। তাৰ বাবে মই আপোনালোকক আন্তৰিকতাৰে ধন্যবাদ জনাইছো। প্ৰিয়ংকা গান্ধীয়ে ৱায়ানাডৰ পৰা নিৰ্বাচনত অৱতীৰ্ণ হ’ব, কিন্তু মইও মাজে মাজে তালৈ গৈ থাকিম।
ৰাহুলে লগতে ইয়াকো কয় যে, কংগ্ৰেছে ৱায়ানাডৰ সন্দৰ্ভত যি প্ৰতিশ্ৰুতি দিছিল সেয়া সকলো পূৰণ কৰা হ’ব। ৰায়বৰেলীৰ লগত আমাৰ পুৰণি সম্পৰ্ক আছে। তেঁও অতি সুখী যে তেঁও ৰায়বৰেলীক পুনৰ প্ৰতিনিধিত্ব কৰিব। ৰাহুল গান্ধীৰ বাবে ই সহজ সিদ্ধান্ত নাছিল কাৰণ দুয়োখন ঠাইৰ পৰাই সংযোগ আছে ৰাহুলৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
