এক আত্মহত্যাই চাঞ্চল্যৰ সৃষ্টি কৰিছে আগ্ৰাত৷ এগৰাকী আৰক্ষী জোৱানে এক গুৰুতৰ অভিযোগ কৰি আত্মহত্যাৰ পথ বাচি লৈছে৷
প্ৰকাশিত ঘটনা অনুসৰি আগ্ৰাৰ খণ্ডলি থানাৰ অন্তৰ্গত নগলা অৰ্জুন কাৰাগাৰত কৰ্মৰত জীতেন্দ্ৰ সিঙে (২৬) ডিঙিত চিপ লৈ আত্মহত্যা কৰে৷
আত্মহত্যা কৰাৰ পূৰ্বে জোৱানজনে নিজৰ মোবাইলত এক ভিডিঅ’ ৰেৰ্কডিং কৰি প্ৰেমিকা আৰু প্ৰেমিকাৰ পৰিয়ালৰ বিৰুদ্ধে গুৰুতৰ অভিযোগ উত্থাপন কৰে৷
আত্মহত্যা কৰাৰ পূৰ্বে কৰা ভিডিঅ’টোত জোৱানগৰাকীয়ে কান্দি কান্দি এগৰাকী যুৱতীৰ নাম লৈ যুৱতীগৰাকী আৰু তেওঁৰ পৰিয়ালৰ লোকৰ বাবে আত্মহত্যাৰ পথ বাছি লোৱাৰ অভিযোগ কৰিছে৷
জোৱানগৰাকীয়ে অভিযোগ কৰা অনুসৰি প্ৰেমিকাৰ লগতে পিতৃ-মাতৃ আৰু ভাতৃয়ে তেওঁৰ বিৰুদ্ধে ভুৱা গোচৰ ৰুজু কৰাইছিল৷
আৰক্ষীয়ে এই ভুৱা গোচৰত তেওঁৰ বিৰুদ্ধে তদন্ত আৰম্ভ কৰাত মানসিকভাৱে ভাঙি পৰি জোৱানজনে আত্মহত্যাৰ পথ বাছি লয়৷
খণ্ডলী আৰক্ষী থানাৰ বিষয়াই প্ৰকাশ কৰা অনুসৰি হাথৰছ আৰক্ষী থানাৰ অন্তৰ্গত ৰসগামা গাঁৱৰ জীতেন্দ্ৰ সিঙে পাঁচ মাহৰ পূৰ্বে জেইল আৰক্ষীত ভৰ্তি হৈছিল৷
জীতেন্দ্ৰ সিঙৰ অভিযোগৰ ভিত্তি পৰিয়ালৰ লোকে অভিযুক্ত পৰিয়ালৰ বিৰুদ্ধে এজাহাৰ দাখিল কৰিছে আৰ আৰক্ষীয়ে ঘটনা সন্দৰ্ভত তদন্ত আৰম্ভ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
