ডিজিটেল ডেস্কঃ দেশত ক্ৰমান্বয়ে বৃদ্ধি পাইছে কৰোনাত আক্ৰান্ত ৰোগীৰ সংখ্যা। যিমানেই দিন বাঢ়িছে সিমানেই কৰোনাৰ ত্ৰাস বৃদ্ধি পাইছে দেশত। শেহতীয়াকৈ কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰালয়ৰ তথ্য অনুসৰি, ভাৰতত বিগত ২৪ঘন্টাত ৪২৩গৰাকী লোকৰ দেহত ধৰা পৰিছে কৰোনাৰ অৱস্থিতি। ইয়াৰে ২২৬গৰাকী ৰোগীয়েই হৈছে কেৰালাৰ। কৰ্ণাটকত ৭০গৰাকী লোকৰ দেহত বিগত ২৪ঘন্টাত ধৰা পৰিছে কৰোনাৰ অৱস্থিতি।
বিগত ২৪ঘন্টাত দিল্লীতো প্ৰৱেশ কৰিছে কৰোনাই। বিগত ২৪ঘন্টাত ৫গৰাকী লোকৰ দেহত ধৰা পৰিছে কৰোনাৰ নতুন ভেৰিয়েন্টৰ অৱস্থিতি। ইফালে দুখৰ খবৰটো হৈছে বিগত ২৪ঘন্টাত কৰোনাত আক্ৰান্ত ৪গৰাকী ৰোগীৰ মৃত্যু হৈছে। বৰ্তমান দেশত এতিয়ালৈকে ৩৪২৫গৰাকী ৰোগীৰ দেহত ধৰা পৰিছে কৰোনাৰ নতুন ভেৰিয়েন্টৰ অৱস্থিতি।
ইফালে বৰ্ধিত কৰোনাৰ ত্ৰাসলৈ লক্ষ্য ৰাখি কেন্দ্ৰীয় চৰকাৰে অচিৰেই কোনো নতুন গাইডলাইন ঘোষণা কৰিব পাৰে। কৰোনাৰ ত্ৰাসক লৈ কেৰালা চৰকাৰেও শেহতীয়াকৈ সাৱধানতামূলক কিছু গাইডলাইন ঘোষনা কৰিছে। উল্লেখ কৰা প্ৰয়োজন যে, অসমতো চুইডেনৰ পৰা অহা এগৰাকী যুৱতীৰ দেহত ধৰা পৰিছে কৰোনাৰ নতুন ভেৰিয়েন্টৰ অৱস্থিতি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
