অসম লাইভ ২৪ঃ নিয়ন্ত্ৰণলৈ আহিছে দেশৰ কোভিড পৰিস্থিতি। বিগত ৪৫ দিনৰ পাছত সৰ্বনিম্ন হৈছে কোভিড আক্ৰান্তৰ সংখ্যা। বিগত ২৪ ঘণ্টাত দেশত ২ লাখ ৮৪ হাজাৰ ৬০১ গৰাকী কোভিড ৰোগী সুস্থ হৈছে ভাৰতত। ১ লাখ ৭৩ হাজাৰ লোক নতুনকৈ আক্ৰান্ত হৈছে যদিও পূৰ্বৰ তুলনাত হ্ৰাস পাইছে কোভিড আক্ৰান্তৰ সংখ্যা। কেন্দ্ৰীয় স্বাস্থ্য মন্ত্ৰ্যালয়ে টুইটযোগে প্ৰকাশ কৰিছে এই তথ্য। স্বাস্থ্য মন্ত্ৰ্যালয়ৰ তথ্য অনুসৰি বৰ্তমানলৈকে দেশত ২ কোটি ৫১ লাখ ৭৮ হাজাৰ ১১ গৰাকী লোক সুস্থ হৈ উঠিছে। ইতিমধ্যে দেশৰ বিভিন্ন স্থানত লকডাউন, মিনি লকডাউন আৰু সান্ধ্য আইনৰ নীতি নিৰ্দেশনা বলবৎ কৰা হৈছে। প্ৰশাসনৰ তৰফৰ পৰা কঠোৰ নিৰ্দেশনা জাৰি কৰিছে জনসাধাৰণলৈ। সমান্তৰালকৈ অসমতো কিছু হ্ৰাস পাইছে কোভিড সংক্ৰমণৰ হাৰ। অহা ৭ দিনৰ ভিতৰত ৰাজ্যবাসীয়ে ভাল খবৰ লাভ কৰিব বুলিও প্ৰকাশ কৰে মুখ্যমন্ত্ৰী ড০ হিমন্ত বিশ্ব শৰ্মাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
