আজি দেশৰ ৭৩ সংখ্যক গণৰাজ্য দিৱস৷ গণৰাজ্য দিৱস উপলক্ষ্যে দেশৰ ৰাজধানী নতুন দিল্লীত আয়োজিত পেৰেডত অংশগ্ৰহণ কৰে দেশৰ প্ৰথম গৰাকী মহিলা ৰাফেল যুঁজাৰু জেটপাইলট শিৱাংগী সিঙে৷
জেটপাইলট শিৱাংগী সিঙে গণৰাজ্য দিৱসৰ পেৰেডত ভাৰতীয় বায়ু সেনাৰ প্ৰতীকপটৰ অংশ হিচাপে ভাগ লয়।
আজি গণৰাজ্যৰ দিৱসৰ পেৰেড প্ৰতীকপটত অংশগ্ৰহণ কৰাৰ লগে লেগ শিৱাংগী সিং ভাৰতীয় বায়ু সেনাৰ প্ৰতীকপটত অংশ হোৱা দেশৰ দ্বিতীয় গৰাকী মহিলা যুঁজাৰু জেট পাইলট হিচাপে পৰিগণিত হয়৷
উল্লেখ্য যে যোৱা বৰ্ষত ফ্লাইট লেফটেনেণ্ট ভৱানা কান্ত বায়ু সেনাৰ প্ৰতীকপটত অংশ লৈ দেশৰ প্ৰথম মহিলা যুঁজাৰু জেট পাইলট হিচাপে পৰিগণিত হৈছিল।
ৰাফেলৰ পাইলট হিচাপে নিযুক্ত হোৱাৰ পূৰ্বে শিৱাংগী সিং মিগ-২১ বাইচন বিমানৰ পাইলট আছিল।
উল্লেখ্য যে শিৱাংগী পঞ্জাৱৰ আম্বালাৰ বাহিৰত অৱস্থিত ভাৰতীয় গোল্ডেন এৰোছ স্কোয়াড্ৰনৰ অংশ লোৱা বাৰাণসীৰ জীয়ৰী শিৱাংগী সিঙে ২০১৭ চনত বায়ু সেনাত যোগদান কৰিছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
