কভিড-১৯ য়ে শুক্ৰাণুৰ ওপৰতো মাৰাত্মক প্ৰভাৱ পেলাইছে, ইয়াৰ প্ৰভাৱ পৰিছে সন্তানৰ ওপৰতো, কিন্তু কেনেকৈ?

এটা সময়ত সমগ্ৰ পৃথিৱীত ধ্বংসলীলা চলাইছিল কভিড ১৯য়ে৷ এই সংক্ৰমণত আক্ৰান্ত হৈ বহুতেই প্ৰাণ হেৰুৱাইছে৷ ইয়াৰোপৰি বহুতৰেই বেয়া হৈছে হাওঁফাও, হাৰ্ট আৰু কিডনিৰ দৰে অংগ৷ এইসমূহৰ ওপৰিও নতুন এক গৱেষণাত প্ৰকাশ পাইছে আন এক তথ্য৷ এই গৱেষণাত দেখা গৈছে কভিড ১৯ৰ ইনফেকশ্ব্যনৰ ফলত এন্দুৰৰ শুক্ৰাণুত পৰিবৰ্তন আহিছে৷ যাৰ ফলত পৰবৰ্তী প্ৰজন্মৰ মাজত এনজাইটি আৰু উৎকণ্ঠা বৃদ্ধি পাইছে৷ আৰু ইয়াৰ ফলাফল দেখি অবাক লৈ ফ্লোৰ ইনষ্টিটিউট অৱ নিউৰোছায়েন্স এণ্ড মেণ্টেল হেলথ ইন মেলবৰ্ণৰ বিজ্ঞানীও৷

কেনেকৈ কৰা হয় গৱেষণা?

১২ অক্টোবৰত নেচাৰ জাৰ্নেলত প্ৰকাশিত এক গৱেষণাক লৈ উৎসাহিত গৱেষকসকল৷ এই ক্ষেত্ৰত প্ৰথমে পুৰুষ এন্দুৰক কভিড ১৯ত সংক্ৰমিত কৰোৱা হৈছে৷ তাৰপিছত সেই এন্দুৰক সংগম কৰোৱা হৈছে মহিলা এন্দুৰৰ সৈতে৷ ইয়াৰ ফলত যি সন্তানৰ জন্ম হৈছে সেই সন্তানৰ স্বাস্থ্য পৰীক্ষা কৰা হৈছে৷ আৰু আচৰণো পৰ্যবেক্ষণ কৰা হৈছে শিশু এন্দুৰটোৰ৷ এই প্ৰসংগত গৱেষণাৰ প্ৰথম লেখক এলিজাবেথ ক্লেইমেনে জনাইছে যে ইনফেকটেড এন্দুৰৰ শিশুটোৰ এনজাইটি বা উৎকণ্ঠাৰ সমস্যা আছে৷ সুস্থ এন্দুৰৰ সন্তানৰ এই সমস্যা নাই৷

ইয়াত তাৎপৰ্যপূৰ্ণ বিষয়টো হৈছে সংক্ৰমিত পিতৃৰ সকলো সন্তানৰেই একেই সমস্যা৷ বিশেষকৈ ফিমেইল শিশুসমূহৰ মস্তিষ্কৰ হিপোকেম্পাছ অঞ্চলত কিছু জিনৰ গতিবিধি সলনি হয়৷ বিজ্ঞানীসকলৰ মতে এই সলনি হৈছে এপিজেনেটিক ইনহেৰিটেন্স৷ যাৰ ফলত ব্ৰেইনৰ কাৰ্যকাৰিতা কিছু সলনি হয়৷ সেই কাৰণেই শিশুৰ মাজত বাঢ়ে এনজাইটি৷

লং টাৰ্ম এফেক্টক লৈ এই প্ৰথম গৱেষণা

সন্তানৰ মাজত কভিডৰ এফেক্টক লৈ এই প্ৰথম গৱেষণা৷ প্ৰকৃততে এই ভাইৰাছে পিতৃৰ শুক্ৰাণুত এনে RNA ত সলনি আনে যিয়ে শিশুৰ ব্ৰেইন ডেভেলপমেণ্ট কৰি সেয়া নিয়ন্ত্ৰণ কৰে৷ তাৰ ফলত এনে হয়৷  এই গৱেষণা এন্দুৰৰ ওপৰত কৰা হৈছে সেয়ে গৱেষণা মানুহৰ ক্ষেত্ৰত সঁচা হ’বনে সেয়া জানিব পৰা হোৱা নাই৷ কিন্তু এটা কথা স্পষ্ট যে কভিড ১৯ য়ে সকলোৰে শৰীৰৰ ওপৰত প্ৰভাৱ পেলাইছে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ