খেলি থকাৰ সময়তে খেলপথাৰত প্ৰাণ হেৰুৱালে ক্ৰিকেটাৰে, শোকৰ বন্যা
আজি ক্ৰিকেটৰ জগতত সংঘটিত হোৱা এক দুৰ্ঘটনাই সকলোফালে চাঞ্চল্যৰ সৃষ্টি কৰিছে। খেল পথাৰত খেলি থকাৰ সময়তে প্ৰাণ হেৰুৱালে এগৰাকী ক্ৰিকেটাৰে। যি ঘটনাৰ পাছতে শোকৰ বন্যা বৈছে ক্ৰিকেট মহলত। হৃদক্ৰিয়া বন্ধ হৈ নিহত হয় ক্ৰিকেটাৰগৰাকী।।
বৰ্তমান সময়ত হাৰ্ট এটেকৰ ঘটনা যথেষ্ট সঘন হোৱা দেখা গৈছে। শেহতীয়াকৈ লাইভ মেচৰ সময়তে এজন ৩৫ বছৰীয়া ক্ৰিকেটাৰৰ মৃত্যু হয়। এই ঘটনাই সকলোকে জোকাৰি গৈছে।
খেলখনৰ সময়ত ইমৰাণ পেটেল নামৰ এজন ক্ৰিকেটাৰ হাৰ্ট এটেকত আক্ৰান্ত হৈ মৃত্যু হয়। ক্ৰিকেটাৰৰ মৃত্যুৰ এই গোচৰটো পুনেত চলি থকা এখন লীগৰ সময়ত সংঘটিত হৈছিল।
ইমৰাণ পেটেলে লীগ মেচৰ বাবে অ’পেনিং বেটছমেন হিচাপে গাৰৱেৰ ষ্টেডিয়ামত প্ৰৱেশ কৰিছিল। কেইটামান অভাৰ খেলাৰ পাছতে ইমৰাণে আম্পায়াৰৰ কাষ চাপি বাওঁহাত আৰু বুকুৰ বিষ হোৱাৰ কথা উল্লেখ কৰে। যাৰ বাবে আম্পায়াৰেও ৰেষ্টৰ বাবে পঠিয়ায় ইমৰাণক।
কিন্তু পেভিলিয়নলৈ উভতি অহাৰ সময়তে খেলপথাৰতে অজ্ঞান হৈ পৰি যায় ইমৰাণ। এই সমগ্ৰ ঘটনা খেলপথাৰত থকা কেমেৰাত বন্দী হৈ ৰয়। মেচখনৰ লাইভ টেলিকাষ্টৰ সময়তে সকলোৱে দেখা পায় ইমৰাণ বাগৰি পৰা।
সেই বাগৰি পৰিয়েই হাৰ্ট এটেক হয় ইমৰাণৰ। ততাতৈয়াকৈ ইমৰাণক মহানগৰীৰ এখন ব্যক্তিগত চিকিৎসালয়লৈ লৈ যোৱা হয়। পাছে চিকিৎসকে তেওঁক মৃত ঘোষণা কৰে।
ইমৰাণৰ মৃত্যুৰ পিছত তেওঁৰ সতীৰ্থ নাছিৰ খানে কয় যে,- ইমৰাণৰ পূৰ্বৰ পৰা কোনো ৰোগ নাছিল। বৰঞ্চ শাৰীৰিক অৱস্থা অতি ভাল আছিল আৰু অবিৰতভাৱে বহু সময় ধৰি খেলি থাকিব পাৰিছিল। ইমৰাণ এজন ভাল অলৰাউণ্ডাৰো আছিল, এনেদৰে হঠাতে হোৱা মৃত্যুত এতিয়া সকলো স্তম্ভিত হৈছো। মৃত্যুৰ পূৰ্বে ইৰমানে জীৱনৰ শেষৰটো ইনিংছ খেলি ১৮ টা বলত ২২ ৰান কৰি যায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
