মানুহৰ প্ৰতিশোধ কিমান ভয়ংকৰ হ’ব পাৰে, তাৰ ধাৰণা কমবেছি সকলোৰেই আছে৷ কিন্তু জানেনে, পশুপখীয়েও প্ৰতিশোধ লয়৷ বিশেষকৈ কাউৰী৷ দৈনিক চহৰসমূহত অসংখ্য কাউৰী দেখা যায়৷ এই কাউৰীয়েই দীৰ্ঘদিন পৰ্যন্ত মানুহে কৰা ব্যৱহাৰ মনত ৰাখে৷ দুৰ্ব্যৱহাৰ কৰিলে, সেয়া সময়মতে উভতাইয়ো দিয়ে৷
সম্প্ৰতি ইউনিভাৰ্ছিটি অফ ৱাছিংটনৰ বিজ্ঞানী, প্ৰফেচন জন মাৰ্জলুফে ২০০৬ চনৰ পৰা এই সংক্ৰান্তিয় পৰীক্ষানিৰীক্ষা আৰম্ভ কৰে৷ ২০২৩ চনৰ ছেপ্টেম্বৰ মাহত পৰ্যবেক্ষণ শেষ কৰি তেওঁ জনায় যে কাউৰীয়ে ১৭ বছৰ পৰ্যন্ত প্ৰতিশোধ ল’ব পাৰে৷ ১৭ বছৰ ধৰি মানুহৰ ব্যৱহাৰ মনত ৰাখে৷ ২০০৬ চনৰ মুখত মাস্ক পিন্ধি ৭টা কাউৰী ধৰি বন্দী কৰিছিল৷ ইয়াৰপাছতেই কিছু বছৰ পাছত কোনো আঘাত নকৰাকৈ এৰি দিয়ে৷ কিন্তু কাউৰীকেইটাই বিজ্ঞানীৰ পিছ নেৰিলে৷ তেওঁ কাউৰীকেইটা এৰি দিয়াৰ পাছতো তেওঁক বহুবাৰ কাউৰী কেইটাই আঘাত কৰিবলৈ খেদি আহিছে৷ আনকি মুখত মাস্ক পিন্ধিলেও কাউৰীকেইটাই খেদি আহে৷ ৭ বছৰ ধৰি তেওঁক অতিষ্ঠ কৰে কাউৰীৰ দলে৷ ২০১৩ চনৰ পৰা ক্ৰমে আক্ৰমণৰ মাত্ৰা কমি যায়৷ ২০২৩ চনত তেওঁ মাস্ক পিন্ধি আৰু খুলি ৰাজপথত ওলাই আক্ৰমণ কৰে নেকি পৰীক্ষা কৰিছিল৷ তেতিয়া কিন্তু কাউৰীকেইটাই তেওঁক আক্ৰমণ কৰা নাছিল৷
কাউৰীৰ আচৰণ আৰু কাউৰীৰ মনস্তকক লৈ কিতাপ লিখাৰ পৰিকল্পনা কৰিছে বিজ্ঞানীয়ে৷ কাউৰীয়ে দৈনিক দেখি থকা মানুহৰ মুখমণ্ডল মনত ৰাখে৷ দুৰ্ব্যৱহাৰ কৰিলে সময়মতে প্ৰতিশোধ লয়৷ এদল কাউৰীয়ে সেই ঘটনা এৰি দিলেও অন্য দলে আক্ৰমণ কৰে৷ কেতিয়াবা দলবদ্ধ হৈ কেতিয়াবা অকলেই প্ৰতিশোধ লয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
