ছলমান-শ্বাহৰুখৰ পাছত এইবাৰ ভাবুকি মিথুন চক্ৰৱৰ্তীক
ছলমান খান আৰু শ্বাহৰুখ খানৰ পাছত এইবাৰ মিথুন চক্ৰৱৰ্তীৱৈ ভাবুকি। অৱশ্যে এই ভাবুকি লৰেন্স বিষ্ণোই গেঙৰ পৰা নহয়, প্ৰবীণ অভিনেতা মিথুন চক্ৰৱৰ্তীক ভাবুকি দিছে পাকিস্তানী গেংষ্টাৰ শ্বেহজাদ ভাটীয়ে। অভিনেতাগৰাকীৰ উত্তেজনক ভাষণৰ পিছতে এই ভাবুকি দিছে পাকিস্তানী গেংষ্টাৰ।
আনকি শ্বাহজাদে অভিনেতাজনক ক্ষমা খুজিবলৈও দাবি কৰে। গেংষ্টাৰগৰাকীয়ে ডুবাইৰ পৰা এই ভাবুকি দিয়ে অভিনেতা মিথুন চক্ৰৱৰ্তীক।
উল্লেখ্য যে, যোৱা মাহত উত্তৰ ২৪ পৰগনা জিলাত দলীয় কাৰ্যসূচীৰ সময়ত দাদাছাহেব ফাল্কে বঁটা বিজয়ী মিথুন চক্ৰৱৰ্তীয়ে এক উত্তেজক ভাষণ দিয়াৰ অভিযোগ। ইয়াৰ পিছত তেওঁৰ বিৰুদ্ধে এফআইআৰ ৰুজু কৰা হয়।
২৭ অক্টোবৰত উত্তৰ ২৪ পৰগনা জিলাত অনুষ্ঠিত বিজেপিৰ এক কাৰ্যসূচীত এই ভাষণ দিছিল অভিনেতা তথা বিজেপি নেতা মিথুনে। সেই ভাষণ সন্দৰ্ভতে মিথুনক ভাবুকি দিয়ে পাকিস্তানী গেংষ্টাৰে।
গেংষ্টাৰে অভিনেতাজনক ১০ৰ পৰা ১৫ দিনৰ ভিতৰত ক্ষমা খুজিবলৈ ভাবুকি দিয়াৰ লগতে তেনে নকৰিলে হয়তো অনুতাপ কৰিব লাগিব বুলিও ভাবুকি দিয়ে। পাকিস্তানী গেংষ্টাৰগৰাকীয়ে কয়- মিথুন চাহাব, আপোনাৰ বাবে মোৰ এটা পৰামৰ্শ আছে। আপুনি ১০-১৫ দিনৰ ভিতৰত আপোনাৰ এটা ভিডিঅ’ মুকলি কৰি ক্ষমা খোজক। আপুনি ক্ষমা খুজিলেই ভাল আৰু আপুনি তেনে কৰাটো সঠিক। আপুনি মোৰ মনত আঘাত দিছে। আন ধৰ্মৰ মানুহে আপোনাক যিমান মৰম কৰিছে, মুছলমানেও আপোনাক সমান সন্মান দিছে।
ডন শ্বেহজাদে অভিনেতাগৰাকীৰ বয়সৰ সন্দৰ্ভতো মন্তব্য কৰিছে। লগতে ভাবুকি দি কয়, ‘আপুনি যদি ক্ষমা নিবিচাৰে তেন্তে মই কৰা কামৰ বাবে আপুনি হয়তো অনুশোচনা কৰিব লাগিব।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
