দিল্লীৰ কালকাজী মন্দিৰৰ সমীপত ১৭ বছৰীয়া এগৰাকী কিশোৰীৰ সৈতে সংঘটিত হোৱা দলবদ্ধ ধ*ৰ্ষণৰ ঘটনাই চাঞ্চল্যৰ সৃষ্টি কৰিছে। অভিযোগ অনুসৰি, ৩ লম্পটে আৰক্ষীৰ পৰিচয় দি কিশোৰীগৰাকীক ভয়-ভাবুকি দেখুৱাই নিৰ্জন স্থানলৈ লৈ গৈছিল আৰু তাতেই তেওঁৰ ওপৰত যৌ*ন নিৰ্যাতন চলাইছিল। এই ঘটনা সোমবাৰে সন্ধিয়া সংঘটিত হৈছে। জানিব পৰা মতে, সন্ধিয়া ৭ বজাত কিশোৰীগৰাকী এজন বন্ধুৰ সৈতে মন্দিৰলৈ গৈছিল। মন্দিৰৰ পৰা ওলাই প্ৰায় ৭.৩০ বজাত তেওঁলোক আস্থা কুঞ্জ পাৰ্কত প্ৰৱেশ কৰে।
অভিযোগ অনুসৰি, পাৰ্কৰ ভিতৰত তিনিজন যুৱকে নিজকে আৰক্ষী বুলি পৰিচয় দি কিশোৰীগৰাকী আৰু তেওঁৰ বন্ধুক ৰখাই ধমক দিয়ে। ইমান কম বয়সতে সন্ধিয়া পাৰ্কলৈ কিয় আহিছে বুলি তেওঁলোকে প্ৰশ্ন কৰে। ইয়াৰ পিছতে কিশোৰীগৰাকীক তেওঁৰ বন্ধুৰ পৰা আঁতৰাই লৈ যোৱা হয়। অভিযোগ অনুসৰি, আছিফ নামৰ এজন অভিযুক্তই পিষ্টল আৰু চোকা অস্ত্ৰ দেখুৱাই কিশোৰীগৰাকীক হ*ত্যাৰো ভাবুকি দিয়ে। তাৰ পিছত তিনিওজন অভিযুক্তই মিলি কিশোৰীগৰাকীৰ ওপৰত নিৰ্যা*তন চলোৱাৰ অভিযোগ উত্থাপন হৈছে।
ঘটনাৰ তথ্য লাভ কৰাৰ পিছত নিশা প্ৰায় ৮.৪৫ বজাত আৰক্ষীয়ে তৎপৰতা আৰম্ভ কৰে। উদ্ধাৰ কৰা কিশোৰীগৰাকীক চিকিৎসাৰ বাবে AIIMSলৈ প্ৰেৰণ কৰা হয়।
ইফালে, আৰক্ষীয়ে আছিফ নামৰ অভিযুক্তজনক বিচাৰি অভিযান আৰম্ভ কৰে। অভিযান চলাই আৰক্ষীয়ে অমৰ কলনীত আছিফৰ সন্ধান লাভ কৰে। আৰক্ষীয়ে তেওঁক ৰখাবলৈ চেষ্টা কৰাৰ সময়তে অভিযুক্তজনে আৰক্ষীৰ ওপৰতো গু*লী চলোৱাৰ অভিযোগ উত্থাপন হৈছে।
আৰক্ষীৰ মতে, আছিফে তিনিজাই গু*লী চলাইছিল। ইয়াৰ পিছত আৰক্ষীয়ে আত্মৰক্ষাৰ বাবে গু*লী চলোৱাত আছিফ গুলীবিদ্ধ হয়। ঘটনাটোৰ তদন্ত অব্যাহত আছে আৰু আন অভিযুক্তসকলক বিচাৰি আৰক্ষীয়ে অভিযান চলাই আছে। কালকাজী মন্দিৰৰ দৰে ব্যস্ত এলেকাৰ সমীপত এগৰাকী নাবালিকাৰ সৈতে সংঘটিত হোৱা এই ঘটনাই নিৰাপত্তা ব্যৱস্থাক লৈও প্ৰশ্ন উত্থাপন কৰিছে। অৱশ্যে ঘটনাটোৰ সম্পূৰ্ণ সত্যতা আৰক্ষীৰ তদন্ত আৰু আইনী প্ৰক্ৰিয়া আগবঢ়াৰ পিছতহে স্পষ্ট হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
