বাগেশ্বৰ বাবা হিচাপে খ্যাত ধীৰেন্দ্ৰ কৃষ্ণ শাস্ত্ৰীৰ মন্তব্য প্ৰায়ে সামাজিক মাধ্যমত ভাইৰেল হৈ থাকে। এইবাৰ মহাৰাষ্ট্ৰৰ নাগপুৰত এক ধৰ্মীয় অনুষ্ঠানৰ সময়ত তেওঁ ৰাষ্ট্ৰীয় স্বয়ংসেৱক সংঘ, হিন্দুত্ব সন্দৰ্ভত এক উল্লেখযোগ্য বক্তব্য আগবঢ়ায়। বাগেশ্বৰ বাবাই ৰাইজক চাৰিটা সন্তান জন্ম দিবলৈ আহ্বান জনায়, আৰু ইয়াৰে এজনক আৰ এছ এছৰ সেৱক হিচাপে গঢ়ি তুলিবলৈ আহ্বান জনায়। শাস্ত্ৰীয়ে উল্লেখ কৰে যে ভাৰতৰ ধৰ্ম আৰু সংস্কৃতি আগবাঢ়িছে।
তেওঁ এজন সন্তানক RSS ৰ সেৱক হিচাপে গঢ়িবলৈ কোৱাৰ পিছতে সামাজিক মাধ্যমত চৰ্চা পুনৰ আৰম্ভ হয়। অনুষ্ঠানৰ সময়ত তেওঁ সনাতন ধৰ্মৰ ক্ৰমবৰ্ধমান প্ৰতিপত্তিৰ ওপৰত গুৰুত্ব আৰোপ কৰি কয় যে আজি ভাৰতত ধৰ্ম আৰু সংস্কৃতিৰ প্ৰতিপত্তি অহৰহ বৃদ্ধি পাইছে।
ভাষণত শাস্ত্ৰীয়ে ইতিহাসৰ উল্লেখ কৰি ছাত্ৰপতি শিৱাজী মহাৰাজ আৰু স্বামী ৰামদাসৰ উদাহৰণ দাঙি ধৰে। তেওঁ কয় যে, যেতিয়া শিৱাজী মহাৰাজে যুদ্ধ কৰি ভাগৰি পৰিছিল আৰু নিজৰ ৰাজ্য ত্যাগ কৰাৰ ইচ্ছা প্ৰকাশ কৰিছিল তেতিয়া স্বামী ৰামদাসে তেওঁক নিজৰ কৰ্তব্যৰ কথা সোঁৱৰাই দিছিল আৰু ৰাজ্য শাসনৰ দায়িত্ব ল’বলৈ আহ্বান জনাইছিল। তেওঁ কৰ্তব্য আৰু জাতীয় সেৱাৰ গুৰুত্বৰ ওপৰতো আলোকপাত কৰে।
RSS ৰ বাবে প্ৰশংসা
তেওঁ লগতে ৰাষ্ট্ৰীয় স্বয়ংসেৱক সংঘৰ ভূমিকাক প্ৰশংসা কৰি কয় যে ইয়াৰ নেতা আৰু স্বেচ্ছাসেৱকসকলে ভাৰতক বিশ্বব্যাপী স্বীকৃতি প্ৰদানৰ বাবে নিজৰ জীৱন উৎসৰ্গা কৰিছে। তেওঁ লগতে কয় যে যেতিয়াই দেশত কোনো দুৰ্যোগৰ সৃষ্টি হয়, তেতিয়াই আৰ এছ এছৰ কৰ্মীসকলে কোনো ধৰণৰ বৈষম্য নোহোৱাকৈ সেৱাৰ কামত লিপ্ত হয়।
ধীৰেন্দ্ৰ শাস্ত্ৰীয়ে ভাৰতক একমাত্ৰ দেশ বুলি অভিহিত কৰে য’ত “ভাৰত মাতা কি জয়” শ্লোগান গৌৰৱেৰে ঘোষণা কৰা হয়। তেওঁ কয় যে এই দেশ ভাৰতমা আৰু দেৱী দুৰ্গাৰ আশীৰ্বাদত ঐশ্বৰিক শক্তিৰ প্ৰেৰণাৰে আগবাঢ়িছে।
#WATCH | Maharashtra: At the groundbreaking ceremony of Bharatdurga Shaktisthal & Dharma Sabha in Nagpur, Bageshwar Dham Peethadhish Dhirendra Krishna Shastri says, “Whenever a disaster strikes across India, people flee for their lives, but every single worker of our Rashtriya… pic.twitter.com/pwac0z2k5t
— ANI (@ANI) April 25, 2026
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
