ডায়বেটিছৰ কাৰণে ভয়ংকৰ ক্ষতি হ’ব শৰীৰৰ! বন্ধ্যাত্বৰ চিকাৰ হ’ব পাৰে পুৰুষৰ, জানক কি কয় বিশেষজ্ঞই?

টাইপ-২ ডায়বেটিছ এক দীৰ্ঘস্থায়ী ৰোগ যি বিশ্বজুৰি বহু মানুহক প্ৰভাৱিত কৰিছে৷ সাধাৰণতে, এয়া উচ্চ ৰক্ত ছুগাৰ লেভেল আৰু মেটাবলিজম সমস্যাৰ কাৰণে হয়৷ ই প্ৰজননৰ স্বাস্থ্যৰ ওপৰতো প্ৰভাৱ পেলায়৷ টাইপ-২ ডায়বেটিছ আক্ৰান্ত পুৰুষ আৰু নাৰীৰ হৰমোনেল ভাৰসাম্যহীনতা, অংগ বিকলতা আৰু মেটাবলিক সমস্যাৰ কাৰণে গৰ্ভধাৰণৰ ক্ষেত্ৰত জটিলতাৰ সন্মুখীন হয়৷

স্পাৰ্ম কাউণ্ট কম হোৱাৰ অন্যতম কাৰণ ডায়বেটিছ হ’ব পাৰে বুলি চিকিৎসকেও মত পোষণ কৰি আহিছে৷ ডায়বেটিছত পেনক্ৰিয়াছৰ কাৰ্যক্ষমতা কমি যায় যিয়ে ইনছুলিন ৰেজিষ্টেন্সৰ সমস্যাৰ সৃষ্টি কৰে৷ পেনক্ৰিয়াছে ঠিকমতে কাম নকৰিলে পুৰুষৰ স্পাৰ্ম উৎপাদনত ব্যাঘাত ঘটে৷ যি পুৰুষৰ বন্ধ্যাত্বৰ অন্যতম কাৰণ হ’ব পাৰে৷

বিশেষজ্ঞই লগতে জনাইছে যে ডায়বেটিছ ৰোগীসকলক মিঠা খাবলৈ বাধা দিয়া হয় কিন্তু তেওঁলোকৰ শৰ্কৰা গ্ৰহণৰ প্ৰবণতা বেছি থাকে৷ এই অতিৰিক্ত শৰ্কৰা গ্ৰহণে পুৰুষৰ যৌন উত্তেজনা কমাই দিয়ে আৰু ফাৰ্টিলিটিৰ সমস্যা বঢ়ায়৷ ডায়বেটিছ আক্ৰান্ত পুৰুষৰ শৰীৰত এনাৰ্জি কম থকাৰ বাবে তেওঁলোকৰ যৌনজীৱনত সমস্যাই দেখা দিয়ে৷ টাইপ ২ ডায়বেটিছে হৰমন লেভেল পৰিবৰ্তন কৰে, যিয়ে প্ৰজনন অংগসমূহৰ কাম ব্যাহত কৰে আৰু শৰীৰৰ বিপাকীয় কাৰ্যক্ৰম দুৰ্বল কৰে৷

পুৰুষৰ বাবে বেছি সমস্যাপূৰ্ণ কিয় টাইপ-২ ডায়বেটিছ? টাইপ-২ ডায়বেটিছ আক্ৰান্ত পুৰুষৰ স্পাৰ্মৰ গুণমান বেয়া হ’ব পাৰে, যিয়ে স্পাৰ্ম কাউণ্ট কমোৱাৰ ওপৰিও বীৰ্যৰ পৰিমাণ আৰু গঠনলৈকো পৰিবৰ্তন আনে৷ ইয়াৰ ফলত শুক্ৰাণু আৰু ডিম্বানুৰ মিলনো বাধাগ্ৰস্থ হয়৷