‘মোৰ খাদ্যত বিষ দিয়া হৈছিল’ – বিশ্বজুৰি চাঞ্চল্যৰ সৃষ্টি কৰিছে ন’ভাক জ’কভিচৰ দাবীয়ে
টেনিছ তাৰকা ন’ভাক জ’কভিচৰ এক দাবীয়ে এতিয়া সমগ্ৰ বিশ্বতে চাঞ্চল্যৰ সৃষ্টি কৰাৰ লগতে ক্ৰীড়া জগতত তোলপাৰ লগাইছে। ন’ভাক জ’কভিচৰ দাবী তেখেতৰ খাদ্যত বিষ মিহলাই দিয়া হৈছিল।
খেলুৱৈ গৰাকীয়ে দাবী কৰিছে যে, ২০২২ চনত তেওঁৰ খাদ্যত বিষ মিহলোৱা আছিল। সেই সময়ত তেওঁ মেলবৰ্ণত আছিল।
২০২২ চনৰ অষ্ট্ৰেলিয়ান অ’পেনৰ সময়ত মেলবৰ্ণত তেওঁৰ লগত এনেকুৱা এটা কাণ্ড সংঘটিত হৈছিল। সেই সময়ত তেওঁ Covid 19 ভেকচিন ল’বলৈ অস্বীকাৰ কৰিছিল।
যাৰ বাবে অষ্ট্ৰেলিয়াই খেলুৱৈগৰাকীক দেশ এৰি যাবলৈও কৈছিল। লগেত সেই সময়তে হোটেলত তেখেতৰ খাদ্যত বিষ মিহলাই দিছিল।
৩৭ বছৰীয়া জ’কভিচে বৃহস্পতিবাৰে এক সাক্ষাৎকাৰত কয় যে, ‘সেই সময়ত মোৰ কিছু স্বাস্থ্যজনিত সমস্যাই দেখা দিছিল আৰু মই উপলব্ধি কৰিছিলো যে মেলবৰ্ণৰ সেই হোটেলখনত মোক এনে কিছু খাদ্য খুৱাইছিল য’ত কিছু অখাদ্য মিহোলোৱা আছিল।
পাছত নিজ দেশ ছাৰ্বিয়ালৈ উভতি আহি জানিব পাৰিলো মোৰ খাদ্যত বিষ মিহলাই দিয়া হৈছিল। যাৰ বাবে মোৰ স্বাস্থ্যৰ অৱনতি হৈছিল। এই কথা মই কেতিয়াও কাকো কোৱা নাছিলো, কিন্তু পৰীক্ষা কৰোতে জানিব পাৰো যে মোৰ শৰীৰত পাৰা আৰু সীহ বহুত পৰিমাণে পোৱা গৈছে।”
আনহাতে ন’ভাক জ’কভিচৰ এই বিশ্বজুৰি চাঞ্চল্য লগোৱা দাবীৰ বিপৰীতে অষ্ট্ৰেলিয়াৰ গৃহ মন্ত্ৰালয়ৰ এগৰাকী মুখপাত্ৰই কয় যে “গোপনীয়তাৰ কাৰণে এই বিষয়সমূহৰ ওপৰত কোনো মন্তব্য দিব পৰা নাযাব।”
লগতে ইয়াকো কয় যে, ন’ভাক জ’কভিচক সাাধাৰণ খাদ্যই দিয়া হৈছিল, যি অন্য সকলে খাইছিল। তাত বিষ কিদৰে আহে সেই বিষয়ে তেঁওলোক জ্ঞাত নহয়। অৱশ্যে তাত বিষ আছিল নে নাই এই কথা তাত থকা বিষয়াসকলেহে জানিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
