বিগত কেইবা দশকত ভাৱিব নোৱৰা ধৰণে বৃদ্ধি হৈছে ডায়বেটিছ আক্ৰান্তৰ সংখ্যা৷ বহুতৰে ধাৰণা যে ডায়বেটিছ বয়স্কসকলৰ ৰোগ৷ কিন্তু বৰ্তমান ৩০ পাৰ নৌহওঁতেই ব্লাড ছুগাৰত ভূগি আছে৷ নেপথ্যত অনিয়ন্ত্ৰিত জীৱনযাপন, শৰীৰচৰ্চাৰ অভাৱ, অতিৰিক্ত দুশ্চিন্তাসহ একাধিক কাৰণ৷ শৰীৰত শৰ্কৰাৰ পৰিমাণ বঢ়াবলৈ আৰম্ভ কৰিলে বহু জটিল সমস্যাই শৰীৰত সমস্যা বঢ়াই৷ সেয়ে ডায়বেটিছৰ লক্ষণ বুজাটো অতি জৰুৰী৷
বিশেষকৈ পুৱা টোপনিৰ পৰা উঠাৰ পাছতেই শৰীৰত কিছু উপসৰ্গই দেখা দিয়ে৷ যি ঠিক সময়ত চিহ্নিত কৰিলে প্ৰাথমিক অৱস্থাতেই ডায়বেটিছক নিয়ন্ত্ৰণত ৰখা সম্ভৱপৰ হৈ উঠে৷ কি কি লক্ষণে দেখা দিলে সতৰ্ক হ’ব আপুনি?
ডিঙি শুকাই যোৱা
পুৱাই টোপনিৰ পৰা ওঠাৰ পাছত যদি ডিঙি শুকাই যায় আৰু বাৰে বাৰে পানী খাবলৈ ইচ্ছা হয় তেতিয়াই বুজিব ডায়বেটিছৰ কাৰণেই এয়া হ’ব পাৰে৷ ৰক্ত শৰ্কৰাৰ মাত্ৰা বাঢ়িলে শৰীৰত পানীশূন্যতাই দেখা দিয়ে৷
বাৰে বাৰে প্ৰস্ৰাৱ
যদি মূত্ৰ ত্যাগৰ কাৰণে আপুনি নিশা বাৰে বাৰে উঠিব লাগে আৰু পুৱা ক্লান্ত অনুভৱ কৰে তেতিয়া সেয়া ব্লাড ছুগাৰ বাঢ়ি যোৱাৰ লক্ষণ হ’ব পাৰে৷ প্ৰকৃততে শৰীৰে মূত্ৰৰ মাধ্যমেৰে অতিৰিক্ত গ্লুকজ বাহিৰ কৰি দিয়াৰ চেষ্টা কৰে৷
ক্লান্তি
পৰ্যাপ্ত টোপনিৰ পাছতো যদি আপোনাৰ পুৱা ক্লান্ত লাগে তেতিয়া কোনো কামতেই এনাৰ্জি নাপায় তেতিয়াই শৰীৰত শৰ্কৰাৰ মাত্ৰা বাঢ়ি যোৱাৰ বাবে হ’ব পাৰে৷ বিপাকক্ৰিয়াৰ ভাৰসাম্য নাথাকিলে এনে হ’ব পাৰে৷
চকুৰে জিলমিল দেখা
যদি টোপনিৰ পৰা উঠি স্পষ্টকৈ নেদেখে বা চকু জিলমিল লাগে তেতিয়া তাৰ আঁৰতো ডায়াবেটিছ হ’ব পাৰে৷ শৰীৰত ছুগাৰৰ মাত্ৰাৰ হেৰফেৰ হ’লে চকুৰ ওপৰত প্ৰভাৱ পৰে৷
হাত ভৰি অসাৰ লগা
টোপনিৰ পৰা ওঠাৰ পাছত যদি হাত ভৰি নচলা যেন লাগে ঝিনঝিননি উঠে তেতিয়া সেয়া নিউৰোপেথিৰ লক্ষণ হ’ব পাৰে৷ যি ডায়বেটিছে নাৰ্ভ ক্ষতিগ্ৰস্থ হোৱাৰ কাৰণে হ’ব পাৰে৷
মুড ছুইং, বিৰক্তি
কোনো কাৰণ অবিহনে যদি পুৱাই বিৰক্তি অনুভৱ, ঘনে ঘনে মুড ছুইং হ’লে সেয়া ৰক্ত শৰ্কৰাৰ ভাৰসাম্যৰ হেৰফেৰৰ কাৰণে হ’ব পাৰে৷
বমি বমি ভাৱ
পুৱাই উঠি যদি বমি বমি ভাৱ আহে তেতিয়া অৱশ্যেই চিকিৎসকৰ পৰামৰ্শ লওক৷ কাৰণ এইসমূহ ডায়বেটিছৰ কাৰণে হ’ব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
