২ অক্টোবৰ ২০২৪ বুধবাৰে মহালয়া৷ মহালয়াত পিতৃপক্ষৰ অবসান হৈ দেৱীপক্ষৰ সূচনা হয়৷ সেই দিনটোৰ বিশেষ গুৰুত্ব আছে৷ জ্যোতিষশাস্ত্ৰ অনুসৰি এই দিনটোত কিছু নিয়ম মানি চলিলে আমাৰ ভাগ্যোন্নতি হোৱাটো খাটাং৷ কিছু বিশেষ উপায় অৱলম্বন কৰিলে আমাৰ জীৱনটো সুখময় হৈ পৰিব পাৰে৷
কি কি উপায় অৱলম্বন কৰিব?
১. মহালয়াৰ দিনা যদি সম্ভৱ হয়, ঘৰত পাঁচজন কিংবা ৭জন পুৰোহিতক সেৱা কৰক৷ ইয়াৰোপৰি ঘৰত শিশুসকলকো খোৱাব পাৰে৷ সেয়াও শুভ৷
২. এই দিনটোত পশুপক্ষীক খাদ্য খোৱাটোও শুভ৷
৩. মহালয়াৰ দিন পূৰ্বপুৰুষক উদ্দেশ্যি এটা তামৰ ঘটিত কেঁচা গাখীৰ, ক’লা তিল, বগা ফুল আৰু গংগাজল মিহলাই ঘৰৰ কোনো স্থানত ঢালক৷ এই কাম আপুনি পুখুৰীতো কৰিব পাৰে৷
৪. মহালয়াৰ দিনা কোনো অসহায় মানুহক তেওঁৰ উপকাৰত অহাকৈ সামগ্ৰী দান কৰক৷
৫. মহালয়াৰ দিনা ঘৰত অৱশ্যই নিৰামিষ আহাৰ গ্ৰহণ কৰক৷
মহালয়াত কি কি নকৰিব?
১. এই দিনটোত ভুলতো চুলি-দাঢ়ি নখ নাকাটিব৷
২. এই দিনটোত কাকো ধন ধাৰলৈ নিদিব৷
৩. এই দিনটোত ঘৰত কোনো মাঙ্গলিক কাম নকৰিব৷
৪. যদি নতুন কিছু ক্ৰয় কৰাৰ প্ৰয়োজন থাকে যেনে ঘৰ, বাহন আদি এই সময়ত ক্ৰয় নকৰিব৷
৫. ঘৰত কোনো ভিখাৰী যদি এই দিনটোত আহে তেন্তে কোনো কাৰণতেই তেওঁক খালী হাতে উভতাই নপঠাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
