বহুতৰেই ধাৰণা যে গৃহঋণ মানেই এক বোজা৷ কাৰণ পৰিশোধ কৰিবলৈ বছৰৰ পাছত বছৰ সময় লাগে৷ কিন্তু জানেনে গৃহঋণ ল’লে বহুক্ষেত্ৰত আপোনাৰেই সুবিধা হয়৷ এই সুবিধাসমূহৰ বাবেই ধনী ব্যক্তিয়েও বহু সময়ত ঘৰ নিৰ্মাণৰ বাবে বা ঘৰ ক্ৰয় কৰাৰ বাবে ধন সম্পূৰ্ণকৈ নিজৰ পৰা দিয়াৰ সলনি গৃহঋণ লয়৷
কৰৰ সুবিধা
গৃহঋণ ল’লে আপুনি আয়কৰত বহু পৰিমাণে ৰেহাই পায়৷ ধাৰা ২৪(খ)ৰ অধীনত আপুনি বাৰ্ষিক প্ৰদত্ত সুদৰ ওপৰত ২ লাখ টকা পৰ্যন্ত কৰ ৰেহাই পাব পাৰে৷ ধাৰা ৮০ চিৰ অধীনত আপুনি মূল পৰিশোধত ১.৫লাখ টকা ৰেহাই পাব পাৰে৷ যদি গৃহঋণত দুজন আবেদনকাৰী থাকে তেন্তে উভয়েই পৃথকভাৱে কৰ সুবিধা লাভ কৰিব৷ ইয়াৰ সৈতে আপুনি প্ৰতি বছৰে ৭ লাখলৈকে কৰ ৰেহাই কৰিব পাৰে৷
সম্পত্তিৰ কাগজ পত্ৰ সঠিক থাকে
ঋণ দিয়াৰ পূৰ্বে যিহেতু বেংকসমূহে সম্পত্তিৰ সম্পূৰ্ণ আইনী পৰীক্ষা কৰে৷ সম্পত্তি মালিকানা আৰু সমস্ত আইনী নথি চোৱাৰ পাছত নিশ্চিত কৰিহে ঋণ প্ৰদান কৰে৷ যেতিয়া বেংকে আপোনাক গৃহঋণৰ বাবে অনুমোদন দিয়ে তেতিয়া ইয়াৰ অৰ্থ হ’ল আপোনাৰ সম্পত্তিটো সম্পূৰ্ণ নিৰাপদ আৰু কাগজ পত্ৰও সম্পূৰ্ণ সঠিক৷
সঞ্চয়তো ৰেহাই পাব
বিশেষকৈ ব্যক্তিগত ঋণৰ তুলনাত গৃহঋণৰ সুদৰ হাৰ কম৷ সেয়ে আপোনাৰ সমস্ত সঞ্চয় ঘৰ কিনাৰ বাবে ব্যৱহাৰ কৰাৰ পৰিবৰ্তে আপুনি ঋণ ল’ব পাৰে৷ আৰু ধীৰে ধীৰে পৰিশোধ কৰিব পাৰে৷ আপুনি ভৱিষ্যতৰ প্ৰয়োজনত আপোনাৰ সঞ্চয় ব্যৱহাৰ কৰিব পাৰে অথৱা ভাল ৰিটাৰ্ণৰ বাবে কৰোবাত বিনিয়োগ কৰিব পাৰে৷
টপ আপ ঋণৰ বিকল্প সুবিধা
আপুনি কম সুদৰ হাৰত আপোনাৰ গৃহঋণৰ ওপৰত অতিৰিক্ত ঋণ ল’ব পাৰে৷ আপুনি আপোনাৰ গৃহঋণৰ সময়কালৰ মাজত ১০, ১৫, ২০ বছৰৰ ভিতৰত সেয়া পৰিশোধ কৰিব পাৰে৷
ক্ৰেডিট স্কোৰ উন্নত কৰে
আপোনাৰ ক্ৰেডিট স্কোৰ কম হ’লে সময়মতে গৃহঋণ পৰিশোধ কৰিলে সেয়া উন্নত হোৱাত সহায় কৰে৷ ইয়াৰোপৰি আপুনি যদি এগৰাকী মহিলাক সহআবেদনকাৰী হিচাপে লয় তেতিয়া বেংকে কম সুদৰ হাৰতেই আপোনাক ঋণ অফাৰ কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
