পৰিয়ালৰ সুখ-শান্তি বহুলাংশে স্বামী-স্ত্ৰীৰ পাৰস্পৰিক বুজাবুজি আৰু সুসম্পৰ্কৰ ওপৰত নিৰ্ভৰ কৰে। যদি জীৱনসংগীৰ স্বভাৱ অতি অস্থিৰ বা শান্তিৰ পৰিৱেশ নষ্ট কৰা ধৰণৰ হয়, তেন্তে ঘৰত অশান্তি, মনোমালিন্য আৰু কলহৰ সৃষ্টি হয়, যাৰ ফলত গৃহস্থ জীৱন বিপৰ্যস্ত হৈ পৰে। সেইবাবেই বিবাহৰ পূৰ্বে বহুতে জন্মকুণ্ডলী মিলোৱাক বিশেষ গুৰুত্ব দিয়া হয়। অৱশ্যে আধুনিক সমাজত প্ৰযুক্তিৰ যুগত এই প্ৰথা বা বিশ্বাস বহুলাংশে হ্ৰাস পাইছে। জ্যোতিষ শাস্ত্ৰক বিশ্বাস কৰা সকলে বিৱাহৰ পূৰ্বে এনেকৈ দৰা-কইনাৰ কুণ্ডলী মিলাই আগবাঢ়ে। এয়া সম্পূৰ্ণ নিজ নিজ চিন্তা আৰু বিশ্বাসৰ ওপৰত কথা। যদি জ্যোতিষশাস্ত্ৰৰ নিয়ম অনুসৰি জন্মকুণ্ডলীৰ সঠিক মিলোৱা হয়, তেন্তে অনুপযুক্ত জীৱনসংগী লাভ কৰাৰ সম্ভাৱনা বহু পৰিমাণে হ্ৰাস পায় বুলি বিশ্বাস কৰে জ্যোতিষ শাস্ত্ৰৰ ওপৰত বিশ্বাস কৰা লোকে। কেৱল গুণ মিলোনা বা মংগলদোষ চোৱাটোৱেই যথেষ্ট নহয়। দুয়োখন জন্মকুণ্ডলী মিলাই চোৱাৰ সময়ত দুয়োৰে ভাগ্য, মহাদশা, অন্তৰ্দশা, গ্ৰহৰ গোচৰ, ভৱিষ্যতৰ ধন-সম্পদ, সন্তান সুখ, স্বাস্থ্য, মান-সম্মান আদি বিষয়সমূহো গভীৰভাৱে বিবেচনা কৰা প্ৰয়োজন।
সম্ভাৱ্য অশুভ সংকেতসমূহ
সন্তানৰ ক্ষেত্ৰত সমস্যা :
যদি সন্তানৰ আচৰণ অবাধ্য, অসৎ বা অনৈতিক হয়, তেন্তে পৰিয়ালৰ সুনাম ক্ষুণ্ণ হয় আৰু বহু সংকটৰ সন্মুখীন হ’বলগীয়া হয়।
ৰোগ-বেমাৰৰ প্ৰকোপ :
ঘৰৰ সদস্যসকল যদি বাৰে বাৰে অসুস্থ হৈ থাকে, তেন্তে ইয়াৰ ফলত মানসিক, শাৰীৰিক আৰু আৰ্থিকভাৱে সমগ্ৰ পৰিয়াল ক্ষতিগ্ৰস্ত হয়।
ধনৰ অভাৱ :
অশুচিতা, অনৈতিক আচৰণ বা ভুল পথ অৱলম্বন কৰাৰ ফলত দৰিদ্ৰতা আৰু আৰ্থিক সংকটৰ সৃষ্টি হ’ব পাৰে।
মান-সম্মান হানি :
এজন সদস্যৰ ভুল আচৰণ বা চৰিত্ৰগত দোষে সমগ্ৰ পৰিয়ালৰ সুনাম, মৰ্যাদা আৰু প্ৰতিষ্ঠাত আঘাত হানিব পাৰে।
বিভিন্ন কাৰণত হোৱা পাৰিবাৰিক অশান্তি দূৰ কৰিবলৈ কি কৰিব?
যদি আপোনাৰ জীৱনত বিপৰীত স্বভাৱৰ জীৱনসংগী, অবাধ্য সন্তান, দীঘলীয়া অসুস্থতা, ধনৰ অভাৱ বা মান-সম্মানত আঘাতৰ দৰে সমস্যাবোৰ একেৰাহে দেখা দিয়ে, তেন্তে বহুজনৰ বিশ্বাস অনুসৰি ইয়াক পিতৃদোষ, গুৰুতৰ বাস্তুদোষ অথবা কাৰোবাৰ অভিশাপ বা বদ্দুৱাৰ প্ৰভাৱ বুলিও গণ্য কৰা হয়। আধ্যাত্মিক বিশ্বাস অনুসৰি, শুদ্ধ আহাৰে শৰীৰ, মন, আচৰণ আৰু চিন্তাধাৰাক পৱিত্ৰ কৰি ৰাখে। আনহাতে, অশুদ্ধ বা অপৱিত্ৰ খাদ্যাভ্যাসেও জীৱনত বিভিন্ন সমস্যাৰ সৃষ্টি কৰিব পাৰে বুলি বহুতে বিশ্বাস কৰে। এইধৰণৰ সমস্যাৰ পৰা মুক্তিৰ বাবে অভিজ্ঞ আৰু জ্ঞানী ব্যক্তিৰ পৰামৰ্শত নিজৰ ওজনৰ সমান শস্য বা অন্যান্য খাদ্যসামগ্ৰী দান কৰাৰ পৰম্পৰাগত পৰামৰ্শ দিয়াৰ প্ৰথা চলি আহিছে। পিতৃদোষ, বাস্তুদোষ বা অভিশাপৰ দৰে ধাৰণাবোৰ মূলতঃ ধৰ্মীয় আৰু জ্যোতিষীয় বিশ্বাসৰ ওপৰত ভিত্তি কৰি গঢ় লৈ উঠিছে। এইবোৰৰ বৈজ্ঞানিক প্ৰমাণ নিশ্চিতভাৱে প্ৰতিষ্ঠিত হোৱা নাই। জীৱনত সমস্যা দেখা দিলে প্ৰয়োজন অনুসৰি চিকিৎসক, পৰামৰ্শদাতা বা সংশ্লিষ্ট বিশেষজ্ঞৰ পৰামৰ্শ লোৱাটোও সমানেই গুৰুত্বপূৰ্ণ।
বিভিন্ন জ্যোতিষ শাস্ত্ৰৰ তথ্যৰ সহায়ত এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
