নীলা ৰঙৰ যি গ্ৰহত আমি বসবাস কৰো তাৰ গঠন অতি জটিল৷ আমি সাধাৰণভাৱে যেনেকৈ কল্পনা কৰো তাতকৈ বহু জটিল পৃথিৱীৰ আভ্যন্তৰীণ গঠন প্ৰক্ৰিয়াক মুঠ তিনিভাগত ভাগ কৰা হৈছে৷ ক্ৰাষ্ট, মেণ্টেল আৰু কোৰ৷ পৃথিৱীৰ আভ্যন্তৰীণ এই অংশতেই সম্প্ৰতি দেখা গৈছে এক পৰিবৰ্তন৷ গৱেষণাত পোৱা অনুসৰি পৃথিৱীৰ আভ্যন্তৰীণ কোৰ অংশটোৰ ঘূৰ্ণন কমি গৈছে৷ ক্ৰমে সেই আভ্যন্তৰীণ ঘূৰ্ণন ৰৈয়ো যায়৷ আনকি এতিয়া পৃথিৱীৰ উপৰিভাগ যিফালে ঘূৰি আছে তাৰ ঠিক বিপৰীত অভিমূখে ঘূৰিবলৈ আৰম্ভ কৰিছে কেন্দ্ৰই৷
১৯৩৬ চনত ডেনিছ ছেচমলজিষ্ট ইঙ্গ লেমনে আৱিষ্কাৰ কৰিছিল যে পৃথিৱীৰ আভ্যন্তৰত আছে এখন কঠিন ধাতৱ বল৷ যি বল স্বাধীনভাৱে ঘূৰি আছে৷ সেই বিষয়টোক লৈ ৰহস্যো কম নহয়৷ যাক লৈ তৰ্ক বিতৰ্কও কম নহয়৷ এয়াই পৃথিৱীৰ সকলোতকৈ উষ্ণ অংশও৷ আনকি সূৰ্যৰ উপৰিভাগৰ সৈতে তাক তুলনা কৰিব পাৰি৷ ইয়াত আছে নিকল আৰু লোহা৷ এইবাৰ পৃথিৱীৰ সেই কেন্দ্ৰত দেখা গৈছে ব্যাপক পৰিবৰ্তন৷ কিন্তু ইয়াৰ ফলত কি হ’ব?
পৃথিৱীৰ কেন্দ্ৰ হঠাৎ ওলোটাফালে ঘূৰিবলৈ আৰম্ভ কৰিছে৷ এই ওলোটা ঘুৰাই পৃথিৱীৰ বাসিন্দাসকলৰ ওপৰত কি প্ৰভাৱ পেলাব৷ এই বিষয়টোক লৈ অৱশ্যে আশ্বস্ত কৰিছে গৱেষকে৷ এই সমগ্ৰ বিষয়টোক লৈ গৱেষণা অব্যাহত ৰাখিছে বিজ্ঞানীমহলে৷
উল্লেখ্য যে ২০০৯ৰ পূৰ্বে পৃথিৱীৰ কেন্দ্ৰৰ ঘূৰ্ণন হঠাৎ বন্ধ হৈ গৈছে৷ তাৰপিছতেই আকৌ বিপৰীত দিশত ঘূৰিবলৈ আৰম্ভ কৰিছে কেন্দ্ৰই৷ পৃথিৱীৰ কেন্দ্ৰৰ হঠাৎ এনে আচৰণ নতুনো নহয়৷ ৩৫ ৰ পৰা ৭০ বছৰৰ মাজত এই ঘূৰ্ণনৰ দিশ সলনি হয়৷ বিগত শতকৰ ৭ দশকত প্ৰথমে এই ঘূৰ্ণন নজৰত পৰিছিল বিজ্ঞানীৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
