চ’ছিয়েল মিডিয়াত এটা হৃদয় কঁপোৱা ভিডিঅ’ ভাইৰেল হৈছে৷ ভিডিঅ’টোত দেখা গৈছে যে মাজ আকাশত এখন উৰন্ত ফাইটাৰ জেট বিমানৰ সৈতে সংঘৰ্ষৰ পৰা কথমপি ৰক্ষা পৰিছে এখন উৰন্ত যাত্ৰীবাহী বিমান৷
লণ্ডনৰ পৰা মনোৰ্কালৈ যাত্ৰা কৰা ইজিজেটৰ বিমানখনৰ নিচেই কাষলৈ চাপি আহিছিল এখন ফাইটাৰ বিমান৷ ইমানেই কাষলৈ চাপি আহিছিল যে ফাইটাৰ বিমানে যাত্ৰীবাহী বিমানখনত খুন্দা মাৰিছেই! কিন্তু তেনে সময়তে ফাইটাৰ জেট বিমান যাত্ৰীবাহী বিমানখনৰ পৰা আঁতৰি গৈছে৷
সেই শিহৰণকাৰী দৃশ্য দেখি যাত্ৰীবাহী বিমানখনৰ যাত্ৰীসকলৰ বুকু কঁপি উঠিছিল৷ ভিডিঅ’টো ভাইৰেল হোৱাৰ পিছতে চাঞ্চল্যৰ সৃষ্টি হয়৷ প্ৰকাশিত খবৰৰ মতে ভিডিঅ’টো এজন যাত্ৰীয়ে বিমানৰ ভিতৰৰ পৰাই ৰেক’ৰ্ডিং কৰিছিল৷
লগতে পঢ়ক প্ৰাক্তন পাক প্ৰধানমন্ত্ৰী ইমৰাণ খানৰ পত্নী বুশ্বৰা বিবিৰ চাঞ্চল্যকৰ অডিঅ’ ক্লীপ লিক
এতিয়া প্ৰশ্ন হৈছে এখন যঁজাৰু যুদ্ধ জেট বিমানে কিয় যাত্ৰীবাহী বিমানখনক অনুসৰণ কৰি ইমান কাষলৈ চাপি গৈছিল?
সংবাদ পত্ৰ দ্য ছানৰ প্ৰতিবেদন অনুসৰি লণ্ডনৰ পৰা স্পেইন মেনোৰ্কালৈ যাত্ৰা কৰা যাত্ৰীবাহী বিমানখনক যুদ্ধ বিমানখনে এস্কৰ্টহে প্ৰদান কৰিছিল৷ প্ৰকাশিত খবৰৰ মতে কৰ্তৃপক্ষই যাত্ৰীবাহী বিমানখন এটা বোমা সংস্থাপন কৰাৰ বুলি এক বাৰ্তা লাভ কৰিছিল৷ ইয়াৰ পিছতে সুৰক্ষাজনিত কাৰণত যুদ্ধ বিমানখনে যাত্ৰী বিমানখনক অতি ওচৰৰ পৰা উৰন্ত অৱস্থাতে নিৰীক্ষণ কৰিছিল৷
ইজিজেটৰ বিমান নম্বৰ EZY8303ক জেট বিমানখনে এস্কৰ্ট কৰাৰ বাবে প্ৰায় ৩০ মিনিট পলমকৈ অৱতৰণ কৰোৱা হয়৷ আৰু যাত্ৰীসকলক প্ৰায় চাৰি ঘণ্টা পৰ্যন্ত বিমান বন্দৰতে আৱদ্ধ কৰি তালাচী চলোৱা হয়৷
@easyJet #a319 G-EZAO intercepted by Spanish Air Force on way to Menorca. passengers not being allowed to leave yet. @BigJetTVLIVE @BBCNews @SkyNews @SkyNewsBreak pic.twitter.com/MTWkQnU39x
— Ian Leslie ❤️🇺🇦❤️ (@iandrleslie) July 3, 2022
লগতে পঢ়ক বিশ্ব অভিলেখ গঢ়িলে ৮৬ বছৰীয়া বেট নেছে! ৬৫ বছৰে কৰি আছে এয়াৰ হোষ্টছৰ চাকৰি!
বিমান কোম্পানীটোৱে জাৰি কৰা এক বিবৃতি এগৰাকী মুখপাত্ৰই কয় যে, “ইজিজেটে নিশ্চিত কৰিছে যে যে লণ্ডনৰ গেটৱিকৰ পৰা মনোৰ্কালৈ যোৱা বিমান নম্বৰ EZY8303 মনোৰ্কাত অৱতৰণ কৰাৰ সময়ত সামৰিক বিমানে এস্কৰ্ট কৰিছিল আৰু সতৰ্কতামূলক নিৰাপত্তা পৰীক্ষাৰ বাবে দেৰিকৈ অৱতৰণ কৰিছিল।”
কোম্পানীটোৱে আৰু কয় যে আমাৰ যাত্ৰী আৰু ক্ৰু সদস্যসকলৰ সুৰক্ষাক সদায় আমি অগ্ৰাধিকাৰ দি আহিছো আৰু তেওঁলোকৰ বুজাবুজিৰ বাবে আমি যাত্ৰীসকলক ধন্যবাদ জনাইছো। যুঁজাৰু বিমানে কঠোৰ নিৰ্দেশনা মানি চলে আৰু জটিল পৰিস্থিতিতহে যাত্ৰীবাহী বিমানক বাধা দিয়ে বা অনুসৰণ কৰে।
ইফালে প্ৰকাশ পাইছে যে বিমানখনত এজন ব্ৰিটিছ নাগৰিকে বোমা সংস্থাপন কৰাৰ ভুৱা তথা উৰাবাতৰি প্ৰচাৰ কৰিছিল৷ সেয়ে এখন যুদ্ধ বিমানে সুৰক্ষাজনিত কাৰণত বিমানখনক অনুসৰণ কৰে৷ আনহাতে ভুৱা বাতৰি বিয়পোৱাৰ অভিযোগত আৰক্ষীয়ে এগৰাকী ব্ৰিটিছ লোকক গ্ৰেপ্তাৰ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
