‘মই ন’হলে ট্ৰাম্পে নিৰ্বাচনে জয়ী নহলহেঁতেন’, আমেৰিকাৰ ৰাষ্ট্ৰপতিৰ বিৰুদ্ধে মহাভিযোগ উত্থাপনৰ সম্ভৱনা
আমেৰিকাৰ ৰাষ্ট্ৰপতি ডোনাল্ড ট্ৰাম্প আৰু বিশ্বৰ সবাতোকৈ ধনাঢ্য ব্যৱসায়ী এলন মাস্কৰ মাজৰ বন্দুত্ব সকলোৱে দেখিছিল। আমেৰিকাৰ নিৰ্বাচনতে প্ৰকাশ পাইছিল দুয়োৰে মাজৰ বন্ধুত্ব। পাছে সেই বন্ধুত্বৰ অন্ত পৰি এতিয়া আৰম্ভ হৈছে দুয়োৰে মাজত শত্ৰুতা। দুয়ো দুয়োৰে বিৰুদ্ধে উত্থাপন কৰিব ধৰিছে বহু অভিযোগ।
ট্ৰাম্পৰ বিৰুদ্ধে মহাভিযোগ উত্থাপনৰো সম্ভৱনা মাস্কৰ। কাৰণ ট্ৰাম্পে মাস্কৰ কোম্পানীৰ চৰকাৰী ঠিকা লগতে ৰাজসাহায্য বন্ধ কৰি দিয়াৰ ধমকি দিয়াৰ পাছতে মাস্কে ওলোটাই ধৰিছে ট্ৰাম্পক। ট্ৰাম্পক এতিয়া পদৰ পৰা অপসাৰণ কৰাৰ পোষ্ট সমৰ্থন কৰি চৰ্চালৈ আহিছে। কাৰণ যদি ট্ৰাম্পে সঁচাকৈ চৰকাৰী ঠিকা লগতে সাহায্য বন্ধ কৰি দিয়ে তেন্তে বিপদত পৰিব মাস্ক।
আনহাতে মাস্কৰো মন্তব্য- ‘মই ন’হলে ট্ৰাম্পে নিৰ্বাচনে জয়ী নহলহেঁতেন’। প্ৰকৃততে ট্ৰাম্প আৰু মাস্কৰ মাজত হুলস্থুল আৰম্ভ হৈছিল এখন বিশেষ বিধেয়কৰ বাবে। মাস্কে ট্ৰাম্পৰ কৰ আৰু ব্যয় বিল সন্দৰ্ভত মন্তব্য কৰিছিল।
মাস্কে এই বিলক তীব্ৰ সমালোচনা কৰি কৈছিল যে এই বিধেয়কখন ৰাজহুৱা ধনৰ অপচয়। মাস্কে এক্সত এটা পোষ্ট শ্বেয়াৰ কৰি কৈছিল যে এই সকলোবোৰ অসহনীয়। মাস্কে কয় যে এই বিধেয়কখন নিশা গৃহীত কৰা হৈছে, যাতে ইয়াৰ ওপৰত আৰু আলোচনা হ’ব নোৱাৰে।
ইলন মাস্কৰ সমালোচনাৰ পিছতে ট্ৰাম্পৰো খং উঠে। মাস্কৰ এই মন্তব্যৰ উত্তৰত ট্ৰাম্পে কয় যে এই মন্তব্যত তেওঁ অতি হতাশ হৈছে। ট্ৰাম্পে দাবী কৰিছিল যে মাস্কে এই বিধেয়কখনৰ সৈতে জড়িত সকলো কথা জানে, কিন্তু তেওঁ ইয়াৰ পূৰ্বে কোনো প্ৰতিক্ৰিয়া প্ৰকাশ কৰা নাছিল।
বৃহস্পতিবাৰে ড’নাল্ড ট্ৰাম্পে ইলন মাস্কৰ সৈতে থকা মতানৈক্যৰ খোলাকৈ সঁহাৰি জনায়। তেওঁ মাস্কক লক্ষ্য কৰি কয় যে বিশ্বৰ আটাইতকৈ ধনী ব্যক্তিজনে এতিয়াও হোৱাইট হাউছক মিছ কৰে। ড’নাল্ড ট্ৰাম্পে আৰু কয় যে ইলন মাস্কৰ ‘ট্ৰাম্প ডিৰেঞ্জমেণ্ট চিণ্ড্ৰম’ আছে।
আমেৰিকাৰ ৰাষ্ট্ৰপতি ড’নাল্ড ট্ৰাম্পক লৈ ক্ষোভিত হৈ পৰিছে এক্সৰ মালিক ইলন মাস্ক। ইলন মাস্কে এক্সত লিখে- “মোৰ অবিহনে ২০২৪ চনৰ ৰাষ্ট্ৰপতি নিৰ্বাচনত ড’নাল্ড ট্ৰাম্প পৰাস্ত হ’লহেঁতেন। ডেম’ক্ৰেটসকলে হাউছৰ নিয়ন্ত্ৰণ ল’লেহেঁতেন আৰু ৰিপাব্লিকানসকলে চেনেটত ৫১-৪৯ অনুপাতত থাকিলহেঁতেন।” আনকি মাস্কে ট্ৰাম্পক অকৃতজ্ঞ বুলিও অভিহিত কৰিছে।
উল্লেখ্য যে, কিছুদিনৰ আগলৈকে মাস্ক ট্ৰাম্পৰ প্ৰবল সমৰ্থক আৰু উপদেষ্টা আছিল। খৰচ কমাবলৈ সৃষ্টি কৰা বিভাগটো ট্ৰাম্পে মাস্কৰ নেতৃত্বত দিছিল। কিন্তু শেহতীয়াকৈ মাস্কে সেই পদৰ পৰা পদত্যাগ কৰি এতিয়া মুকলিকৈ ট্ৰাম্পৰ নীতিক লৈ প্ৰশ্ন উত্থাপন কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
