অসম লাইভ২৪ঃ গণৰাজ্য দিৱসৰ প্ৰাকক্ষণত এটাৰ পাছত আনটো বিস্ফোৰণত কঁপি উঠিছে জম্মু-কাশ্মীৰ৷ মাত্ৰ ২৪ ঘণ্টাৰ ভিতৰতেই তিনিটাকৈ বিস্ফোৰণত কঁপিছে জম্মু৷ শনিবাৰে সংঘটিত হোৱা এই তিনিটা বিস্ফোৰণত আঁহত হৈছে প্ৰায় ১০ জন সেনা জোৱানৰ লগতে আৰক্ষীৰ লোকো৷
কাশ্মীৰৰ আৰক্ষীসূত্ৰই প্ৰকাশ কৰামতে সিদৰা চৌক এলেকাত কৰ্তব্যত ব্যস্ত আছিল সুৰেন্দৰ সিং নামৰ আৰক্ষী কনিষ্টবল৷ তেওঁ সমগ্ৰ বিস্ফোৰণৰ প্ৰত্যক্ষদৰ্শী৷ আৰক্ষীগৰাকীয়ে প্ৰকাশ কৰামতে এয়া কোনো দুৰ্ঘটনা নহয়৷ বিস্ফোৰণক লৈ বিস্ফোৰক মন্তব্যহে দাঙি ধৰিছে সেনা জোৱানজনে৷
লৰিত বিস্ফোৰণ হোৱাৰ প্ৰায় কেইঘণ্টামান পূৰ্বে জম্মুৰ নৰওৱাল এলেকাত দুটাকৈ বিস্ফোৰণ সংঘটিক হৈছে৷ আধাঘণ্টাৰ ব্যৱধানতেই এই দুই বিস্ফোৰণ সংঘটিত হৈছে৷ প্ৰথম বিস্ফোৰণটো হৈছিল দিনৰ ১১ বজাত৷ সূত্ৰত প্ৰকাশ পোৱা অনসৰি মহিন্দ্ৰা বলেৰ বাহন ব্যৱহাৰ কৰি প্ৰথমটো বিস্ফোৰণ সংঘটিত কৰিছিল৷ আইডি-ৰ মাধ্যমেৰে দুয়োটা বিস্ফোৰণ কৰা বুলি জনাইছে আৰক্ষী সূত্ৰই৷ এই বিস্ফোৰণতেই ৯ জন সাধাৰণ মানুহো আহত হোৱা বুলি জনাইছে আৰক্ষীয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
