অসম লাইভ ২৪ঃ ৰূপান্তৰকামী ভাৰত উত্তোলক ল’ৰেল হুবাৰ্ডক লৈ বিতৰ্ক। আসন্ন ট’কিঅ’ অলিম্পিকলৈ নিৰ্বাচিত হৈছে নিউজিলেণ্ডৰ ভাৰত উত্তোলক ল’ৰেল হুবাৰ্ড। ক্ৰীড়া জগতত ইতিহাস ৰচনা কৰি প্ৰথমবাৰৰ বাবে অলিম্পিকলৈ নিৰ্বাচিত ল’ৰেল হুবাৰ্ড। অলিম্পিকলৈ নিৰ্বাচিত হ’লেও ৪৩ বছৰীয়া এথলীটগৰাকীক লৈ উত্থাপন হৈছে বিভিন্ন বিতৰ্ক। প্ৰতিবাদ সাব্যস্ত কৰিছে একাধিক দেশৰ ক্ৰীড়া সংস্থা আৰু প্ৰাক্তন খেলুৱৈয়ে। ২০১৩ চন পৰ্যন্ত পুৰুষ শাখাত নাম অন্তৰ্ভুক্ত কৰিছিল ল’ৰেল হুবাৰ্ডে। ২০১৫ চনত ঘোষণা হৈছিল ৰূপান্তৰকামী এথলীট মহিলা শাখাত অংশ ল’ব পাৰিব। কিন্তু অন্য মহিলাৰ বিৰুদ্ধে খেলিবলৈ ৰূপান্তৰকামী এথলীটৰ শৰীৰত টেষ্টোষ্টেৰণৰ মাত্ৰা প্ৰতিলিটাৰত ১০ নেনোমোলচ হোৱাৰ প্ৰয়োজন। কিন্তু প্ৰতিযোগিতাত অংশ লোৱাৰ ১২ মাহ পূৰ্বে পৰীক্ষা কৰাটো বাধ্যতামূলক কৰিছিল অলিম্পিক কমিটিয়ে। নিউজিলেণ্ডৰ অলিম্পিক সংস্থাৰ তৰফৰ পৰা কোৱা হৈছে, ‘আমি হুবাৰ্ডক অলিম্পিকৰ বাবে সকলো সময়তে সহায় আগবঢ়াইছো। তেওঁ পুৰুষৰ পৰা নাৰীলৈ ৰূপান্তৰিত হৈছে। তেওঁ মহিলাত শাখাত নাম অন্তৰ্ভুক্তিত কোনো বাধা নাই’। সেই নিৰ্দেশৰ পাছতেই প্ৰথমবাৰৰ বাবে অলিম্পিকলৈ নিৰ্বাচিত হৈ ইতিহাস ৰচনা কৰিছে ৰূপান্তৰকামী এথলীট ল’ৰেল হুবাৰ্ডে। এতিয়া হুবাৰ্ডক লৈ মিশ্ৰিত প্ৰতিক্ৰিয়া প্ৰকাশ কৰিছে খেলুৱৈ, ক্ৰীড়া সন্থাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
