অসম লাইভ২৪ঃ বুকুত বিষ, মাজে মাজে খুব ঠাণ্ডা লাগে, এইধৰণৰ লক্ষণসমূহে দেখা দিলে সাবধান হওক। এইসমূহ লক্ষণে দেখা দিয়া মানেই আপোনাৰ হাওঁফাওঁত সংক্ৰমণ হৈছে। ব্ৰঙ্কাইটিছৰ দৰে সংক্ৰমনে দেখা দিলে এইসমূহ লক্ষণে দেখা দিয়ে। ইয়াৰোপৰি হাওঁফাওঁৰ ৰোগ যিকোনো বয়সতেই হ’ব পাৰে। ধূমপান কৰিলেই এই ৰোগ হয় তেনে নহয়। কিন্তু এটা কথাও ঠিক যে ধূমপান কৰা লোকৰ এই ৰোগ হোৱাৰ আশংকা কিছু বেছি হয়। কি কি উপসৰ্গই দেখা দিলে আগতীয়াকৈ সাৱধান হ’ব?
১) ঘনে ঘনে কাঁহ-ছৰ্দি হৈ থাকে নেকি? এই লক্ষণ কিন্তু স্বাভাৱিক নহয়। গৰমৰ দিনটো অত্যাধিক ঠাণ্ডা লাগিলে সাৱধান হোৱাটো প্ৰয়োজন। কেতিয়াবা কাঁহ হ’লে বহুদিন কমাৰ নামেই নলয়, তেনেক্ষেত্ৰতো সাৱধানতা অৱলম্বন কৰাটো জৰুৰী।
২) টোপনিৰ পৰা উঠি ক্লান্তিবোধ কৰে, কান্ধ, পিঠি আদিত বিষ অনুভূত হয়। বহুসময়ত শৰীৰৰ কোনো অংশত অত্যাধিক বিষ অনুভূত হয়। এই ধৰণৰ বিষক চিকিৎসাৰ পৰিভাষাত ‘ৰেফাৰ্ড পেইন’ বুলিও কোৱা হয়।
৩) শ্বাস প্ৰশ্বাসত সমস্যা হোৱাটোও ব্ৰঙ্কাইটিছৰেই লক্ষণ। এই সমস্যাই দেখা দিলে অৱহেলা নকৰিব। এনে ধৰণৰ অসুবিধা মানেই আপোনাৰ হাওঁফাওঁত সমস্যাই দেখা দিছে। হাওঁফাওঁৰ আশে পাশে প্ৰদাহ সৃষ্টি হ’লে এনেধৰণৰ সমস্যাই দেখা দিয়ে।
৪) অনবৰতে মাত বহি থাকে নেকি? ছৰ্দি-কাঁহ হ’লে এনেধৰণৰ সমস্যাই দেখা দিয়ে। কিন্তু দিনৰ পাছত দিন ধৰি যদি এই সমস্যাই দেখা দিয়ে তেন্তে সমস্যা গুৰুতৰ বুলি ধৰিব পাৰে। এইক্ষেত্ৰত চিকিৎসকৰ পৰামৰ্শ লোৱাটো জৰুৰী।
৫) বুকুত কফ জমা হ’লেও চিকিৎসকৰ পৰামৰ্শ লোৱাটো অত্যন্ত জৰুৰী। এনেধৰণৰ লক্ষণে দেখা দিলে তাৎক্ষণিকভাৱে চিকিৎসকৰ পৰামৰ্শ গ্ৰহণ কৰিব পাৰে। সকলোসময়তে বুকুত কফ জমা হৈ থকাটো হাওঁফাওঁ দুৰ্বল হোৱাৰেই ইংগিত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
