অসম লাইভ২৪ঃ ব্ৰাজিলৰ মহান ফুটবলাৰ পেলেৰ অৱস্থা অতি সংকটজনক বুলি জানিব পৰা গৈছে। কেমোথেৰাপী দি থকা পেলেক লাইফ কেয়াৰ চাপৰ্টত ৰখা বুলি এক সুত্ৰই প্ৰকাশ কৰিছে। পেলেৰ ৰোগাক্ৰান্ত দেহাই কেমোথেৰাপীৰ প্ৰতি সঁহাৰি নিদিয়াত তেওঁক লাইফ কেয়াৰ চাপৰ্টত ৰখা হৈছে। নিয়মিতভাৱে স্বাস্থ্য পৰীক্ষাৰ বাবে হাস্পতালখনত উপস্থিত হোৱাৰ পিছতে পেলেক হাস্পতাল কৰ্তৃপক্ষই বিশেষ চিকিৎসা প্ৰদান কৰিছে বুলি প্ৰকাশ কৰিছে ব্ৰাজিলৰ এক সংবাদমাধ্যমে।
ব্ৰাজিলৰ চাওপাওলোৰ এলবাৰ্ট আইনষ্টাইন হাস্পতালত চিকিৎসা চলি আছে পেলেৰ। ব্ৰাজিলৰ তিনিবাৰৰ বিশ্বকাপ বিজয়ী দলৰ সদস্য পেলে ক’ল’ন কৰ্কটত আক্ৰান্ত। শেহতীয়াকৈ পেলেৰ দেহত অত্যন্ত বিষ হোৱাৰ লগতে উশাহ লোৱাত অসুবিধাৰ সন্মুখীন হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
