‘জনতাৰ স্বাৰ্থত মই পদত্যাগ কৰিবলৈ সাজু’, পদত্যাগৰ বাবে সাজু পশ্চিম বংগৰ মুখ্যমন্ত্ৰী মমতা বেনাৰ্জী
পশ্চিম বংগৰ মুখ্যমন্ত্ৰী মমতা বেনাৰ্জীয়ে বৃহস্পতিবাৰে কয় যে ৰাইজৰ স্বাৰ্থত পদত্যাগ কৰিবলৈ সাজু। মুখ্যমন্ত্রী মমতা বেনাৰ্জীয়ে লগতে ইয়াকো কয় যে, আৰ জি কাৰ হাস্পতালৰ ধৰ্ষণ আৰু হত্যাৰ বলি হোৱা চিকিৎসকগৰাকীয়েও ন্যায়ও বিচাৰি আছে৷
বংগৰ জনসাধাৰণৰ ওচৰত ক্ষমা বিচাৰি মুখ্যমন্ত্রী মমতাই লগতে কয় যে, “আজি আৰ জি কাৰৰ অচলাৱস্থাৰ অন্ত পৰিব বুলি যিয়েই আশা কৰিছিল, মই তেওঁলোকৰ ওচৰত ক্ষমা বিচাৰিছো৷”
উল্লেখ্য যে, আজি প্ৰতিবাদকাৰী চিকিৎসক আৰু মুখ্যমন্ত্ৰীৰ মাজত আলোচনাৰ কথা আছিল, কিন্তু সেই আলোচনা সন্দৰ্ভত প্ৰতিবাদকাৰী সকলে এক চৰ্ত ৰাখে। আলোচনাৰ সকলো দৃশ্য লাইভ টেলিকাষ্ট হব লাগিব।
পাছে চৰকাৰে সেই চৰ্ত মানি নলয়, যাৰ বাবে মুখ্যমন্ত্ৰীৰ সৈতে আলোচনাৰ মাজলৈ নাহে কোনো প্ৰতিবাদকাৰী। প্ৰতিবাদকাৰীলৈ অপেক্ষা কৰি ২ ঘণ্টা ধৰি আলোচনা কক্ষত অকলেই বহি থাকিবলগা হয় মমতা বেমাৰ্জী। অৱশেষত কোনো নহাত ‘জনতাৰ স্বাৰ্থত মই পদত্যাগ কৰিবলৈ সাজু’ বুলি সদৰি কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
