কেন্দ্ৰীয় ড্ৰাগছ কণ্ট্ৰল এজেন্সীৰ চকুত এতিয়া নিৰ্দোষী আৰিয়ান খান। বলিউদৰ বাদশ্বাহ শ্বাহৰুখ খানৰ পুত্ৰৰ বিৰুদ্ধে কোনো প্ৰমাণ পোৱা নগ’ল। চাৰ্জ শ্বীট জমা দিয়াৰ লগে লগে NCBৰ প্ৰাক্তন বিষয়া সমীৰ ৱাংখেড়েৰ ষড়যন্ত্ৰ ফাদিল হৈ পৰিল বুলি এতিয়া চৰ্চা লাভ কৰিছে।
ইয়াৰ পিছতে চৰকাৰে এনচিবিৰ প্ৰাক্তন বিষয়া সমীৰ ৱাংখেড়েৰ বিৰুদ্ধে কঠোৰ ব্যৱস্থা গ্ৰহণৰ নিৰ্দেশ দিছে।
যোৱা বৰ্ষৰ ২ অক্টোবৰত সমীৰে মুম্বাইৰ উপকূলৰ ওচৰত থকা প্লেজাৰ ব’ট কৰ্ডেলিয়াত এনচিবিৰ অভিযানৰ নেতৃত্ব দিছিল। তাৰ পিছত ড্ৰাগছৰ অভিযোগত আৰিয়ান খান আৰু তেওঁৰ সহযোগীসকলক গ্ৰেপ্তাৰ কৰা হয়। প্ৰায় এমাহ কাৰাগাৰত কটোৱাৰ পিছত শ্বাহৰুখ খানৰ পুত্ৰক জামিনত মুকলি কৰি দিয়া হয়।
লগতে পঢ়ক দুৰ্নীতিত লুতুৰি-পুতুৰি! ১০ বছৰৰ পিছত পুনৰ ৪ বছৰৰ কাৰাদণ্ড প্ৰাক্তন মুখ্যমন্ত্ৰীক
ইয়াৰ পিছতো তেওঁ এনচিবিৰ কাৰ্যালয়ত নিয়মীয়াকৈ জেৰাৰ বাবে হাজিৰ হ’বলগীয়া হৈছিল আৰিয়ান খান। শুকুৰবাৰে দাখিল কৰা এক চাৰ্জশ্বীটত এনচিবিয়ে কয় যে আৰিয়ান খান নিৰ্দোষী।
মুম্বাইৰ সংবাদ মাধ্যমৰ সূত্ৰ অনুসৰি, ইয়াৰ পিছতে গৃহ মন্ত্ৰণালয়ে বিত্ত মন্ত্ৰালয়লৈ নিৰ্দেশনা প্ৰেৰণ কৰিছে। শ্বাহৰুখ আৰু তেওঁৰ পুত্ৰৰ বিৰুদ্ধে ভুৱা অভিযোগৰ তদন্ত চলোৱাৰ বাবে সমীৰ ৱাংখেড়েৰ বিৰুদ্ধে কঠোৰ ব্যৱস্থা গ্ৰহণ কৰিবলৈ কোৱা হৈছে।
প্ৰথম অৱস্থাত ড্ৰাগছ গোচৰৰ জেৰাকে ধৰি তদন্তৰ দায়িত্বত আছিল এনচিবিৰ মুম্বাই শাখাই আৰু ইয়াক সমীৰ ৱাংখেড়েই নেতৃত্বত দিছিল। পৰৱৰ্তী সময়ত তদন্তক লৈ বহু প্ৰশ্ন উত্থাপন হোৱাত তদন্তৰ দায়িত্ব কেন্দ্ৰীয়ভাৱে নিযুক্ত বিশেষ তদন্তকাৰী দল (এছআইটি)ৰ হাতত দিয়া হয়।
লগতে পঢ়ক লাডাখত সেনাৰ বাহন দুৰ্ঘটনাগ্ৰস্ত : শ্বিয়ক নৈত পৰি মৃত্যু ৭ জোৱানৰ
ভুৱা তদন্ত আৰু তদন্তক প্ৰভাৱিত কৰাকে ধৰি একাধিক অভিযোগত সমীৰে পদত্যাগ কৰিবলগীয়া হৈছিল। এইবাৰ চাৰ্জশ্বীটত আৰিয়ান খানক দোষমুক্ত কৰাৰ পিছত শাস্তিৰ সন্মুখীন হৈছে প্ৰাক্তন এনচিবিৰ বিষয়াগৰাকী।
ইফালে সমীৰৰ বিৰুদ্ধে ষড়যন্ত্ৰ অভিযোগ উঠিছিল৷ মহাৰাষ্ট্ৰৰ মন্ত্ৰী নৱাব মালিকে প্ৰথমে সেয়া এক ষড়যন্ত্ৰ বুলি দাবী কৰাৰ পিছতে এগৰাকী সাক্ষীয়েও অন্য এক বিস্ফোৰণ ঘটাইছিল৷ য’ত কোৱা হৈছিল যে সমীৰ ৱাংখেড়েৰ কাৰণে কেবা কোটি টকাৰ মেনেজ কৰাৰ বাবে শ্বাহৰুখ খানৰ মেনেজাৰৰ সৈতে কথা পাতিবলৈ কোৱা হৈছিল৷
অৱশ্যে কিছুদিন পূৰ্বে এই অভিযোগ কৰা সাক্ষীগৰাকীৰ ৰহস্যজনকভাৱে মৃত্যু হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
