ইতিহাস ৰচিবলৈ সাজু ৰব’টিক অস্ত্ৰোপচাৰ, এতিয়া অসমতো পাব এই সুবিধা, মুখ্যমন্ত্ৰীয়ে কৰিলে সদৰি
ইতিহাস ৰচিবলৈ গৈ আছে অসমৰ চিকিৎসা ব্যৱস্থাই। আসমত আৰম্ভ হ’ব ৰব’টিক অস্ত্ৰোপচাৰ মুখ্যমন্ত্ৰী হিমন্ত বিশ্ব শৰ্মাই সামাজিক মাধ্যম যোগে সদৰি কৰিলে এই কথা । গুৱাহাটী মহানগৰীকে ধৰি ডিব্ৰুগড় আৰু শিলচৰত আৰম্ভ হ’ব এই ৰব’টিক অস্ত্ৰোপচাৰ ।
মুখ্যমন্ত্ৰী শৰ্মাই ফটো শ্বেয়াৰ কৰি এই সুখবৰ পাজ্যবাসীৰ সৈতে ভাগ-বতৰা কৰে। এই ৰব’টিক অস্ত্ৰোপচাৰ অসমতো আৰম্ভ হলে ভৱিষ্যতে বহু ক্ষেত্ৰতে সুবিধা হোৱাৰ আশাৰ বতৰাই দেখা দিছে।
অসমত এই ৰব’টিক অস্ত্ৰোপচাৰ এতিয়া আৰম্ভ হোৱাৰ খবৰ আহিলেও ভাৰতত এই ৰব’টিক অস্ত্ৰোপচাৰ বহু পূৰ্বেই আহিছে। ২০১০ চনত প্ৰথমবাৰৰ বাবে ৰব’টে সহায়ক হিচাপে কাম কৰা অস্ত্ৰোপচাৰ হৈছিল, তাৰ পাছত ২০১৭ চনত প্ৰথমবাৰৰ বাবে সম্পূৰ্ণ ৰব’টিক অস্ত্ৰোপচাৰ সম্পন্ন কৰা হয়।
https://www.facebook.com/share/hqGfNjPxDT8m882K/
আহমেদাবাদত কৰা হৈছিল বাৰতৰ প্ৰথমটো ৰব’টিক অস্ত্ৰোপচাৰ। কোৱা হয় যে, এই ৰব’টিক অস্ত্ৰোপচাৰটো ভাৰতৰ প্ৰথমটো লগতে বিশ্বৰ তৃতীয়টো ৰব’টিক অস্ত্ৰোপচাৰ আছিল। এগৰাকী ৩৭ বছৰীয়া ৰোগীৰ ক্ষেত্ৰত কৰা হৈছিল এই ৰব’টিক অস্ত্ৰোপচাৰ।
এতিয়া অসমতো এই ৰব’টিক অস্ত্ৰোপচাৰে আশা কঢ়িয়াই আনিছে। নিপুনতাৰে হোৱা এই ৰব’টিক অস্ত্ৰোপচাৰৰ জৰিয়তে এতিয়া বহু সুবিধা হব ৰোগীৰ। এই ৰব’টিক অস্ত্ৰোপচাৰৰ জৰিয়তে সংক্ৰমণ হোৱাৰ আশংকা কমি যাব। ৰক্ত ক্ষৰণ হ্ৰাস, চিকিৎসালয়ত ভৰ্তি হোৱাৰ সময় হ্ৰাস, বিষ হ্ৰাস, দ্ৰুত আৰোগ্য, লগতে অস্ত্ৰোপচাৰৰ দাগ সামান্য হব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
