অসম লাইভ২৪ঃ সোণাৰি সদৰ থানাত সংঘটিত হোৱা গুলীচালনাৰ ঘটনাত প্ৰাণ হেৰুওৱা গকুল বসুমতাৰীৰ মৃতদেহ বুধবাৰে চামগুৰিস্থিত বাসগৃহলৈ অনা হয়। মৃতদেহ বাসগৃহলৈ অনাৰ পিছতে এক শোকাকুল পৰিৱেশে বিৰাজ কৰে গকুল বসুমতাৰীৰ বাসগৃহত।
শেষবাৰৰ বাবে গকুল বসুমতাৰীক চাবলৈ অঞ্চলবাসীয়ে ভিৰ কৰে গকুল বসুমতাৰীৰ বাসগৃহত। পৰিয়ালৰ লোকে হত্যাকাৰীক উচিত শাস্তি প্ৰদানৰ দাবী তুলিছে। নশ্বৰদেহ বাসগৃহলৈ অনাৰ পিছতে আৰক্ষীৰ লগতে বিভিন্নজনে শেষ শ্ৰদ্ধা জনায় আৰক্ষী জোৱানজনলৈ।
উল্লেখ্য যে মঙলবাৰে দীপক কাকতি নামৰ এজন সতীৰ্থই গুলীয়াই হত্যা কৰিছিল গকুল বসুমতাৰীক। গকুল বসুমতাৰীৰ ডিঙি ভেদি গৈছিল দীপক কাকতিৰ বন্দুকৰ তিনিটা গুলীয়ে। ইতিমধ্যে হত্যাকাৰী দীপকক গ্ৰেপ্তাৰ কৰিছে আৰক্ষীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
