অষ্ট্ৰেলিয়াৰ বিৰুদ্ধে পৰাজয়ৰ পাছতে ৰোহিতক লৈ ডাঙৰ মন্তব্য গৌতম গম্ভীৰৰ
ভাৰত আৰু অষ্ট্ৰেলিয়াৰ মাজত অনুষ্ঠিত বোৰ্ডাৰ গাভাস্কাৰ ট্ৰফীৰ সামৰণি। শৃংখলাৰ অন্তিমখন মেচ ছিডনীত অনুষ্ঠিত হৈছিল। এই খেলখনত অষ্ট্ৰেলিয়াই ৬ উইকেটত জয়লাভ কৰি ৩-১ ত শৃংখলা দখল কৰে।
ৰোহিত শৰ্মাই সমগ্ৰ ছিৰিজত ৰান সংগ্ৰহ নকৰাৰ বাবে নিজকে ছিডনী টেষ্টৰ পৰা আঁতৰাই ৰখাৰ সিদ্ধান্ত লৈছিল। ইয়াৰ পিছত ৰোহিতে নিজৰ ঠাইত শুভমন গিলক ছিডনী টেষ্টত খেলাৰ সুযোগ দিয়। টিম ইণ্ডিয়াৰ মুখ্য প্ৰশিক্ষক গৌতম গম্ভীৰে ৰোহিতৰ এই সিদ্ধান্তক লৈয়ে এতিয়া ডাঙৰ মক্তব্য দিছে।
ছিডনী টেষ্টৰ পাছত মুখ্য প্ৰশিক্ষক গৌতম গম্ভীৰে কয়, ‘ৰিপ’ৰ্ট লিখাৰ সময়ত অধিক সংবেদনশীলতা ল’ব পৰা গ’লহেঁতেন। কেপ্তেইনে যেতিয়া এনে সিদ্ধান্ত লয় তেতিয়া মই বেয়া বুলি নাভাবো। মই ভাবো সকলোৱে দলটোক প্ৰথম স্থান দিব লাগে আৰু ৰোহিতেও একেদৰেই কৰিলে।” গৌতম গম্ভীৰৰ মতে ৰোহিতে দলটোক সদায়ে নিজতকৈ আগত ৰাখে, এইবাৰো ৰাখিলে আৰু সকলোৱে তেওঁৰ সিদ্ধান্তক সন্মান কৰা উচিত।
বাৰ বাৰ ব্যৰ্থ হোৱাৰ পাছত ৰোহিতে শেষত নিজকে দলৰ পৰা আঁতৰাই ৰখাৰ সিদ্ধান্ত লৈছিল। কোনো অন্য খেলুৱৈয়ে তেনে সিদ্ধান্ত লব নোৱাৰে বুলিও মন্তব্য কৰে গম্ভীৰে। এই ছিৰিজত ৰোহিতৰ সৰ্বোত্তম স্ক’ৰ আছিল মাত্ৰ ১০ ৰান। এই কাৰণেই ৰোহিতে নিজকে ছিডনী টেষ্টৰ পৰা আঁতৰাই ৰখাৰ সিদ্ধান্ত লৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
