অসম লাইভ ২৪ঃ আজি সম্পন্ন হ’ব সদ্যপ্ৰয়াত প্ৰতিৰক্ষা মুৰব্বী জেনেৰেল বিপিন ৰাৱাটৰ অন্ত্যেষ্টিক্ৰিয়া৷ দিল্লীৰ কেণ্টনমেণ্টত ৰাৱটসহ ১৩ গৰাকী নিহতৰ শেষকৃত্য সম্পন্ন কৰা হ’ব৷ বিপিন ৰাৱাটসহ তামিলনাডুৰ অনাকাংক্ষিত হেলিকপ্টাৰ দুৰ্ঘটনাৰ বাবে আজিও শোকস্তব্ধ সমগ্ৰ দেশ৷
জেনেৰেল ৰাৱাট, তেওঁৰ পত্নী আৰু ১১ গৰাকী সেনাৰ অৱদান কেতিয়াও পাহৰিব নোৱাৰে দেশে৷ আজি অন্তিম বাৰলৈ আটাইকেইগৰাকীক শ্ৰদ্ধা জ্ঞাপন কৰিব দেশবাসীয়ে৷ বৃহস্পতিবাৰে বিয়লি দিল্লীলৈ অনা হয় আটাইকেইগৰাকী ব্যক্তিৰ নশ্বৰ দেহ৷ পালাম বিমান বন্দৰত ৰাৱটসহ ১৩ নিহত নশ্বৰদেহত শেষ শ্ৰদ্ধাঞ্জলি জ্ঞাপন কৰে দেশৰ প্ৰধানমন্ত্ৰী নৰেন্দ্ৰ মোদীয়ে৷
প্ৰধানমন্ত্ৰীৰ লগতে প্ৰতিৰক্ষামন্ত্ৰী ৰাজনাথ সিং, ৰাষ্ট্ৰীয় নিৰাপত্তা উপদেষ্টা অজিত ডোভালে শ্ৰদ্ধাঞ্জলি জনায় আটাইকেইগৰাকীক৷ আজি দিনৰ ১১ বজাৰ পৰা ১২.৩০ বজালৈ ৰাজহুৱা শ্ৰদ্ধাঞ্জলিৰ বাবে অনুমতি প্ৰদান কৰা হৈছে৷ ১২.৩০ বজাৰ পৰা ১.৩০ বজালৈ সামৰিক বাহিনীৰ লোকৰ বাবে শ্ৰদ্ধঞ্জলিৰ সময় ধাৰ্য কৰা হৈছে ৷
ইয়াৰ পাছত ৰাষ্ট্ৰীয় মৰ্যদাৰে শেষকৃত্য সম্পন্ন কৰিব বিপিন ৰাৱাটৰ৷ আজি দেশৰ বিভিন্ন স্থানত নিহতলৈ শ্ৰদ্ধাঞ্জলি জ্ঞাপন কৰিছে দেশবাসীয়ে৷
Paid my last respects to Gen Bipin Rawat, his wife and other personnel of the Armed Forces. India will never forget their rich contribution. pic.twitter.com/LAq83VfoBf
— Narendra Modi (@narendramodi) December 9, 2021
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
