গুগল মেপে অচিনাকি পথত গাড়ী চলাচল কৰা পদ্ধতিত এক বৈপ্লৱিক পৰিৱৰ্তন আনিছে। ট্ৰেফিক জামৰ পৰা ট্ৰেফিক ফ্ৰীলৈকে গুগল মেপে আগতীয়াকৈ সতৰ্কবাণী দিয়ে। এইবাৰ এই সুবিধা প্ৰদানৰ তালিকাখন বহল কৰা হৈছে। এতিয়াৰ পৰা গুগল মেপেও ক’ব যিকোনো পথত কিমান টোল টেক্স দিব লাগিব।
বিশ্বৰ অন্যতম আগশাৰীৰ আই টি কোম্পানী গুগলে চলিত বৰ্ষৰ এপ্ৰিল মাহত এই সেৱা মুকলি কৰাৰ কথা ঘোষণা কৰিছিল। প্ৰায় দুমাহৰ পিছত গুগলে এণ্ড্ৰইড আৰু আইঅ’এছ চফ্টৱেৰৰ বাবে এই সেৱা মুকলি কৰিছে।
লগতে পঢ়ক প্ৰেমিকাক প্ৰতাৰণা! অন্য যুৱতীৰ বাবে ৫০ লাখ টকা খৰচ! প্ৰেমিকাই কি শাস্তি দিলে প্ৰেমিকক?
এই সেৱাত যাত্ৰীসকলে মোবাইলতে চাব পাৰিব কোনটো পথত টোল দিব লাগিব আৰু কোনটো পথত টোল দিব নালাগে। সঠিক তথ্য আহৰণৰ বাবে গুগলে নিয়মীয়াকৈ স্থানীয় টোল বুথৰ সৈতে যোগাযোগ কৰিব।
ভাৰতৰ উপৰিও গুগলে আমেৰিকা, জাপান আৰু ইণ্ডোনেছিয়াতো এই সেৱা আৰম্ভ কৰিছে। গুগলৰ কাৰ্যবাহীসকলৰ মতে, তেওঁলোকে ভৱিষ্যতে আন দেশলৈও এই সেৱা সম্প্ৰসাৰণ কৰিব। এই সেৱাৰ উপৰি এতিয়াৰ পৰা গুগল মেপত বিভিন্ন চহৰৰ ‘এয়াৰ কুৱালিটি ইনডেক্স’ও দেখুওৱা হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
