অসম লাইভ২৪ঃ গুজৰাট বিধানসভা নিৰ্বাচনক লৈ চলি থকা গল্প-গুজবৰ অন্ত পেলাই ঘোষণা কৰা হ’ল নিৰ্বাচনৰ দিন। মোদীৰ ৰাজ্যৰ বিধানসভা নিৰ্বাচনৰ দিন ঘোষণা কৰিলে নিৰ্বাচন কমিছনে। বৃহস্পতিবাৰে কৰা ঘোষণাত আগন্তুক ডিচেম্বৰ মাহৰ ১ আৰু ৫ ডিচেম্বৰত অনুষ্ঠিত হ’ব ভোটগ্ৰহণ। আনহাতে ভোট গণনা কৰা হ’ব ৮ ডিচেম্বৰ তাৰিখে।
কেতিয়া হ’ব ভোটগণনা?
নিৰ্বাচন কমিছনে প্ৰকাশ কৰা অনুযায়ী গুজৰাটৰ ১৮২ খন আসনৰ ভিতৰত ৮৯ টা সমষ্টিৰ ভোটগ্ৰহণ অনুষ্টিত হ’ব ১ ডিচেম্বৰ তাৰিখে। অন্য ৯৩ টা সমষ্টিৰ ভোটগ্ৰহণ হ’ব ৫ ডিচেম্বৰ তাৰিখে। নৱেম্বৰৰ ৯ তাৰিখৰ পৰা ১৮ নৱেম্বৰলৈ প্ৰথম পৰ্যায়ৰ নিৰ্বাচনৰ বাবে মনোনয়ন পত্ৰ দাখিল কৰিব লাগিব। ১০ নৱেম্বৰৰ পৰা ১৭ নৱেম্বৰলৈকে দাখিল কৰিব পাৰিব দ্বিতীয় পৰ্যায়ৰ বাবে মনোনয়ন পত্ৰ। ইফালে ১২ নৱেম্বৰত ভোটগ্ৰহণ হ’ব জেপি নাড্ডাৰ ৰাজ্য হিমাচল প্ৰদেশতো। হিমাচল প্ৰদেশত ১২ নৱেম্বৰত ভোটদান প্ৰক্ৰিয়া সম্পন্ন হ’লেও গুজৰাটৰ সৈতে একেলগে হ’ব ভোটগণনা। বিগত অক্টোবৰৰ ১৪ তাৰিখেই ঘোষণা কৰা হৈছে হিমাচল প্ৰদেশৰ ভোটগ্ৰহণৰ দিন।
২০১৭ত কিয় কম আসন লাভ কৰিছিল বিজেপিয়ে?
উল্লেখ্য যে ২০১৭ চনৰ ৯ আৰু ১৪ ডিচেম্বৰত হৈছিল গুজৰাট বিধানসভা নিৰ্বাচন। পাহাৰীয়া ৰাজ্য হিমাচল প্ৰদেশতো ২০১৭ চনৰ ৯ নৱেম্বৰত হৈছিল ভোটগ্ৰহণ। দুয়োখন ৰাজ্যৰে ভোটগণনা অনুষ্ঠিত হৈছিল ১৮ ডিচেম্বৰ তাৰিখে। ২০১৭-ৰ গুজৰাটৰ বিধানসভা নিৰ্বাচনত ৯৯ খন আসন লাভ কৰি পঞ্চমবাৰৰ বাবে গুজৰাট দখল কৰিছিল বিজেপিয়ে। কিন্তু এটা কথা সঠিক যে ১৯৯০ চনৰ পৰা ধাৰাবাহিকতা অক্ষুন্ন ৰখা বিজেপি দলে ২০১৭ চনতেই সৰ্বনিম্ন আসন লাভ কৰিছিল বিজেপি দলে। আনহাতে ২০১৭ চনত ৭৭ খন আসন জয় কৰি কংগ্ৰেছ দলে দৃষ্টি আকৰ্ষণ কৰিছিল সকলোৰে। সেই বৰ্ষত নিৰ্দলীয়ই লাভ কৰিছিল ৬খন আসন।
গুজৰাটত বিজেপিৰ প্ৰতিদ্বন্দী কোন হ’ব?
আনহাতে এইবাৰ আপ দলেও গুজৰাটত চলাইছে নিৰ্বাচনী প্ৰচাৰ। আপ প্ৰধান অৰবিন্দ কেজৰীৱালেও গুজৰাটত উপস্থিত হৈ পুণ্যৰ্দমে চলাইছে প্ৰচাৰ। সম্প্ৰতি এইবাৰ কেইবাখনো চহৰত কংগ্ৰছতকৈ আপেই ভাল ফলাফল লাভ কৰিব বুলি একাংস ৰাজনৈতিক বিশ্লেষকে মত প্ৰকাশ কৰিছে। কিন্তু গুজৰাটত বিজেপিৰ ভেটি ভঙা সহজ হ’বনে? বহুতেই দাবী কৰিছে যে এইবাৰ গুজৰাটত নিৰ্বাচনী যুঁজ বিজেপিয়ে আপৰ সৈতেহে কৰিব কিয়নো কংগ্ৰেছৰ ভেটি এতিয়া দেশত ভাগি পৰিছে। ৰাহুলে ইতিমধ্যে সেই কথা বুলি উঠিছে যাৰ বাবে ভাৰত জোড়ো যাত্ৰাত ৰাহুলে এপলকৰ বাবেই গুজৰাট অথৱা হিমাচলত প্ৰৱেশ কৰা নাই বুলিও ৰাজনৈতিক বিশ্লেষকে চৰ্চা চলোৱা পৰিলক্ষিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
