এইখন ৰাজ্যত কাল হৈ নামিছে বৰষুণ, ৩১ গৰাকী নিহত, ৪৩২ ট্ৰেইন বাতিল
দেশৰ কেইবাখনো ৰাজ্যত বাৰিষাৰ বৰষুণে বিধ্বংসী ৰূপ ধাৰণ কৰি আছে। তাৰে ভিতৰত যোৱা ৩ দিনত অন্ধ্ৰ আৰু তেলেংগানাত হোৱা ধাৰাসাৰ বৰষুণৰ বাবে বহু জিলাত বানপানীৰ দৰে পৰিস্থিতিৰ সৃষ্টি হৈছে। অন্ধ্ৰ প্ৰদেশত ৪.৫ লাখৰো অধিক লোক আক্ৰান্ত হৈছে।
এনডিআৰএফৰ ২০টা দল আৰু এছডিআৰএফৰ ১৯টা দল উদ্ধাৰ অভিযানত নিয়োজিত হৈ আছে। এই পৰ্যন্ত ৩১ হাজাৰৰো অধিক লোকক নিৰাপদ স্থানলৈ স্থানান্তৰ কৰা হৈছে। এই পৰ্যন্ত বৰষুণৰ ফলত তেলেংগানাত ১৬ জন আৰু অন্ধ্ৰ প্ৰদেশত ১৫ জন লোকৰ মৃত্যু হৈছে। ৰে’লৱে বাতিল কৰিছে ৪৩২খন ৰে’ল।
অন্ধ্ৰ প্ৰদেশ বানপানীৰ ফলত সৰ্বাধিক ক্ষতিগ্ৰস্ত। ইয়াৰ ভিতৰত বিজয়াৱাড়া, এন টি আৰ, কৃষ্ণ, এলুৰু, বাপাটলা, গুণ্টুৰ আৰু প্ৰকাশম আদি অন্যতম। অধিকাংশ বিধ্বংসী সংঘটিত হৈছে বিজয়াৱাড়া চহৰত।
মহানগৰীৰ ১৭টাতকৈও অধিক অঞ্চল সম্পূৰ্ণৰূপে পানীত ডুব গৈছে। তথ্য দি ছিকুন্দৰাবাদস্থিত দক্ষিণ কেন্দ্ৰীয় ৰে’লৱেৰ এগৰাকী বিষয়াই কয় যে এতিয়ালৈকে পানী জমা হোৱাৰ বাবে ৪৩২খন ৰে’ল বাতিল কৰা হৈছে। ১৩৯খন ৰে’লৰ পথ সলনি কৰা হৈছে।
তেলেংগানাত বৰষুণৰ ফলত ডেৰ লাখ একৰতকৈ অধিক অঞ্চলৰ শস্যৰ ক্ষতিসাধন হৈছে। প্ৰায় ৫ হাজাৰ কোটি টকা লোকচান হ’ব বুলি অনুমান কৰিছে ৰাজ্য চৰকাৰে। ৰাজ্যৰ ৰেৱন্ত ৰেড্ডী চৰকাৰে কেন্দ্ৰৰ পৰা ২০০০ কোটি টকাৰ সাহায্য বিচাৰিছে। তেলেংগানাৰ মুখ্যমন্ত্ৰীয়ে বানপানীত নিহতসকলৰ পৰিয়াললৈ ৫ লাখকৈ টকাৰ এক্স গ্ৰেচিয়া ধনৰ কথা ঘোষণা কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
