বিবাহ পাশত আৱদ্ধ হিনা খান, ফটো দেখি বহুতেই দিলে আশীৰ্বাদ
ষ্টেজ থ্ৰী স্তন কেন্সাৰত আক্ৰান্ত অভিনেত্ৰী হিনা খানে আজি বিবাহ পাশত আৱদ্ধ হয়। দীৰ্ঘদিনীয়া প্ৰেমিক ৰকি জয়ছৱালৰ সৈতে বিবাহৰ বান্ধোনত বান্ধ খায় হিনা। ছ’চিয়েল মিডিয়া প্লেটফৰ্ম ইনষ্টাগ্ৰামত বিবাহৰ ফটো শ্বেয়াৰ কৰি এই বিষয়ে জানিবলৈ দিয় হিনাই।
ছ’চিয়েল মিডিয়াত শ্বেয়াৰ কৰিছে ৰকি জয়ছোৱালৰ সৈতে বিবাহৰ কেইবাখনো সুন্দৰ ফটো। হিনা খানে পঞ্জীয়নভুক্ত বিবাহ সম্পন্ন কৰে। বিয়াৰ বাবে পিন্ধা শাৰীৰ আঁচলত হিনাই লিখি লৈছিল নিজৰ আৰু স্বামীৰ নাম- ৰকি-হিনা।
হিনা খানে নিজৰ বিয়াৰ ফটো ইনষ্টাগ্ৰামত শ্বেয়াৰ কৰি লিখিছে, ‘দুখন ভিন্ন জগতৰ পৰা আমি প্ৰেমৰ বিশ্বব্ৰহ্মাণ্ড সৃষ্টি কৰিলোঁ। আমাৰ মতানৈক্যবোৰ নাইকিয়া হৈ গ’ল, হৃদয়বোৰ এক হৈ পৰিল, আজীৱন স্থায়ী হৈ থকা এটা বন্ধনৰ সৃষ্টি হল। আমি আমাৰ ঘৰ, আমাৰ পোহৰ, আমাৰ আশা আৰু একেলগে আমি সকলো বিপদ অতিক্ৰম কৰোঁ। আজি আমাৰ মিলন প্ৰেম আইনত চিৰদিনৰ বাবে ছীল কৰা হৈছে। আমি আপোনাৰ আশীৰ্বাদ আৰু শুভেচ্ছা বিচাৰিছো।’
উল্লেখ্য যে, হিনাৰ কঠিন সময়ত সদায়ে কাষত আছিল ৰকি জয়ছৱাল। দুয়োৰ প্ৰেম বহু দিনীয়া। ৰকি জয়ছৱালৰ প্ৰকৃত নাম জয়ন্ত জয়ছৱাল। ৰকি এজন সুপৰিচিত টেলিভিছন প্ৰযোজক আৰু ব্যৱসায়ী। বহু টিভি শ্ব’ত পৰ্দাৰ আঁৰত কৰা কামৰ বাবে তেওঁ খ্যাতি অৰ্জন কৰিছে।
হিনাৰ সৈতে তেওঁৰ প্ৰেম কাহিনী আৰম্ভ হৈছিল ‘য়েহ ৰিস্তা ক্যা কেহলাতা হ্যে’ৰ চেটত। ধাৰাবাহিকখনত হিনা মুখ্য চৰিত্ৰত অভিনয় কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
