বৃহস্পতিবাৰৰ পৰা ভাইৰেল হৈ আছে এটা খবৰ৷ থাইৰয়েডৰ কৰ্কটত আক্ৰান্ত হিনা খান৷ অভিনেত্ৰীগৰাকীৰ মাৰণ ৰোগৰ কথা প্ৰকাশলৈ অহাৰ পাছতেই উদ্বিগ্ন হৈছে অনুৰাগীমহলো৷ এই খবৰ সঁচা নহওক বুলিও বহুতে সামাজিক মাধ্যমত নিজা মত প্ৰকাশ কৰিছে৷ শুকুৰবাৰে এই খবৰত নিজেই ছিলমোহৰ মাৰিলে হিনা খানে৷
হিনাই নিজা সামাজিক মাধ্যমত শ্বেয়াৰ কৰিছে বিশেষ পোষ্ট৷ তেওঁ লিখিছে, ‘ষ্টেজ ৩’ হিনা খানে লগতে লিখিছে, ‘এই বিষয়েই এটা খবৰ দিব খুজিছো৷ যিসকলে মোক ভালপায় তেওঁলোক মোৰ খবৰটোক লৈ উদ্বিগ্ন হোৱা বুলি গম পাইছো৷ মোৰ স্তনৰ কৰ্কট হৈছে৷ মাৰণ ৰোগৰ তৃতীয় ঢাপত আছো৷ খুব কঠিন চেলেঞ্জ সন্মুখত, সকলোকে কৈছো মই এতিয়া সুস্থই আছো৷ এই ৰোগ জয় কৰাৰ বাবে যিমান মনোবল থকাটো প্ৰয়োজন বা যিমান শক্তিৰ প্ৰয়োজন সকলোখিনি মোৰ আছে৷ মোৰ চিকিৎসা আৰম্ভ হৈছে৷ প্ৰয়োজনীয় সকলোবোৰ মানি চলিছো৷ এই সময়ত মোক আপোনালোকৰ ভালপোৱা আশীৰ্বাদৰ প্ৰয়োজন৷ দয়া কৰি মোৰ বাবে প্ৰাৰ্থনা কৰিব৷’
সামাজিক মাধ্যমত হিনাৰ ফলোৱাৰ্ছৰ সংখ্যা বহুখিনি৷ কেতিয়া কি খাইছে, ক’লৈ গৈছে সকলোবোৰ প্ৰকাশ কৰি থাকে ইনষ্টাগ্ৰামত৷ এইবাৰ দুঃখবৰো ভগাই লৈছে হিনা খানে৷ কিন্তু অনুৰাগীৰ উদ্বেগ দুগুণে বৃদ্ধি পাইছে৷ ভাৱিবই পৰা নাছিল এনে দুঃসংবাদ দিব প্ৰিয় অভিনেত্ৰী হিনাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
