এটাৰ পাছত আন এক ছুপাৰহীট গান তেওঁৰ কণ্ঠত৷ গায়ক হানি সিঙৰ জনপ্ৰিয়তাও যথেষ্ট৷ কেৰিয়াৰৰ শীৰ্ষত অৱস্থান কৰা হানিৰ ব্যক্তিগত জীৱন কিন্তু বৰ এটা মসৃণ নহয়৷ ব্যক্তিগত জীৱনৰ প্ৰভাৱ নে অন্য কোনো কাৰণত হঠাৎ বলীউডৰ পৰা মাজতে অদৃশ্য হৈ যায় হানি সিং৷ তাৰপাছত আকৌ শেহতীয়াকৈ উভতি আহিছে হানি সিং৷
২০২২ চনত হানি সিঙৰ বিবাহ বিচ্ছেদৰ খবৰ ভাইৰেল হৈছিল৷ তেওঁৰ বিয়াও অৱশেষত ভাঙি যায়৷ শালিনী তলৱাৰৰ সৈতে হানি সিঙৰ প্ৰেম বিবাহ হৈছিল৷ কিন্তু তেওঁলোকৰ বিবাহ বিচ্ছেদৰ খবৰে ভক্তসকলকো আচৰিত কৰি তুলিছিল৷ এতিয়া হানি সিঙে সেই সম্পৰ্ক বিচ্ছেদৰ কাৰণ প্ৰকাশ কৰিছে৷ তেওঁৰ সৈতে শালিনী তলৱাৰৰ বিবাহ বিচ্ছেদ হৈছে ২০২২ চনত৷ সেয়া খুবেই মৰ্মান্তিক৷
স্ত্ৰীৰ সৈতে ডিভোৰ্ছক লৈ নীৰৱতা ভাঙিলে হানি সিঙে?
২৩ জানুৱাৰী ২০১১ চনত হানি সিঙে তেওঁৰ বান্ধৱী শালিনী তলোৱাৰক বিয়া কৰায়৷ পিংকভিলাত দিয়া এক সাক্ষাৎকাৰত গায়কে স্বীকাৰ কৰিছে যে তেওঁলোকৰ বিয়াৰ প্ৰথম ৯-১০ মাহ ভালেই আছিল৷ কিন্তু ধীৰে ধীৰে হানি সিঙে কেৰিয়াৰত উন্নতি কৰা আৰম্ভ কৰে৷ সাফল্যৰ শীৰ্ষত সেই সময়ত হানি সিং৷ সম্পত্তি, খ্যাতি আৰু নিচাত মত্ত হৈ পত্নী শালিনীৰ সৈতে গায়কৰ সম্পৰ্কৰ অৱনতি ঘটিবলৈ ধৰে৷ শেষ পৰ্যন্ত তেওঁলোকৰ বিবাহ বিচ্ছেদ হয় আৰু ২০২২ আৰু ২০২৩ চনৰ ভিতৰত পৃথক হৈ যায় দুয়ো৷
পিংকভিলাত হানি সিঙে কয়, ‘সেই সময়ত আমাৰ সম্পৰ্ক বৰ এটা ভাল নাছিল৷ আমাৰ মাজত দূৰত্ব তৈয়াৰ হৈছিল আৰু ইয়াৰ কাৰণ আছিল মোৰ অত্যধিক ভ্ৰমণ৷ তেতিয়া মই কেৱল মোৰ কেৰিয়াৰক গুৰুত্ব দিছিলো৷ পৰিয়ালক অৱহেলা কৰিছিলো৷ তেতিয়া মই সম্পূৰ্ণৰূপে সম্পদ, খ্যাতি, মাদক আৰু নাৰীত নিমজ্জিত হৈ আছিলো৷’
লালনটপত দিয়া এক সাক্ষাৎকাৰতো হানি সিঙক প্ৰশ্ন কৰা হৈছিল যে কাৰ পৰা তেওঁৰ মাদক সেৱনৰ অভ্যাস বাঢ়িছিল? হানি সিঙে এই সন্দৰ্ভত কয়, ‘কিছু প্ৰভাৱশালী ব্যক্তি আছে৷ তেওঁলোকে মোক লৈ মজা কৰিছে৷ মই মত্ত হৈ পৰিছিলো৷ মাদক অৰ্থাৎ ড্ৰাগছ লৈ মত্ত আছিলো৷ চাৰিওফালে কি ঘটি আছিল মই একোৱেই ক’ব পৰা নাছিলো৷ ইয়াৰ পৰা বাহিৰলৈ ওলাই আহিবলৈ মোৰো বহু সময় লাগিছিল৷ কিন্তু যেতিয়া মই সুস্থ হৈ উঠো, তেতিয়া মোৰ পত্নীৰ সৈতে সম্পৰ্ক বেয়া হৈ যায়৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
