ব্ৰুনাই ভ্ৰমণত ব্যস্ত প্ৰধানমন্ত্ৰী নৰেন্দ্ৰ মোদী। প্ৰধানমন্ত্ৰী মোদীৰ এই দুদিনীয়া ভ্ৰমণ ঐতিহাসিক হ’বলৈ গৈ আছে। ব্ৰুনাই ভ্ৰমণ কৰা ভাৰতৰ প্ৰথমজন প্ৰধানমন্ত্ৰী হৈছে নৰেন্দ্ৰ মোদী। ব্ৰুনাইৰ চুলতান হাছানাল বলকিয়াৰৰ আমন্ত্ৰণত প্ৰধানমন্ত্ৰী ব্ৰুনাই ভ্ৰমণলৈ গৈছে বুলি বৈদেশিক পৰিক্ৰমা মন্ত্ৰালয়ে প্ৰকাশ কৰিছে। এনে পৰিস্থিতিত ব্ৰুনাই আৰু ইয়াৰ চুলতানৰ জীৱন সম্পৰ্কে জানিবলৈ আগ্ৰহী হৈ পৰিছে বহুজন৷
১) এছিয়াৰ ছিংগাপুৰ আৰু ফিলিপাইনছৰ মাজত অৱস্থিত দেশ ব্ৰুনাই৷ ১৯৮৪ চনত ব্ৰুনাইয়ে ব্ৰিটেইনৰ পৰা স্বাধীনতা লাভ কৰে। বৰ্তমানৰ চুলতান ১৯৬৮ চনৰ পৰাই ক্ষমতাত আছে। তেওঁৰ সম্পূৰ্ণ নাম হ’ল হাছানাল বলকিয়া ইবনি ওমৰ আলী ছাইফুদ্দিন তৃতীয়। ব্ৰুনাইৰ অৰ্থ হ’ল That’s it! এই দেশত থকা প্ৰধান নিষেধাজ্ঞা হৈছে শ্বাৰ্কৰ পাখি কটা আৰু ইয়াৰ ব্যৱসায়িক ব্যৱহাৰত নিষেধাজ্ঞা ৷
২) চুলতান হাছানালৰ সম্পত্তি প্ৰায় ৩০ বিলিয়ন ডলাৰ। তেওঁ পৃথিৱীৰ অন্যতম ধনী ব্যক্তি। বৰ্তমান তেওঁ যিকোনো দেশৰ ভিতৰতে সৰ্বাধিক দীৰ্ঘদিনীয়া ৰাষ্ট্ৰপতি হিচাপে কাৰ্যনিৰ্বাহ কৰি আছে। ২০১৭ চনত চুলতানে ৫০ বছৰীয়া জয়ন্তী উদযাপন কৰে। চুলতানে দ্বিতীয় ৰাণী এলিজাবেথৰ পিছত ইতিহাসৰ আটাইতকৈ দীৰ্ঘদিনীয়া ৰাজত্বৰ অভিলেখ গঢ়ি তুলিছে।
৩) চুলতান হাছানাল বলকিয়াৰ জন্ম হৈছিল ১৯৪৬ চনৰ ১৬ জুলাইত। চুলতানে কুৱালালামপুৰৰ ভিক্টোৰিয়া ইনষ্টিটিউটত হাইস্কুলীয়া শিক্ষা সমাপ্ত কৰে। ইয়াৰ পিছতে ১৯৬৭ চনত ব্ৰিটেইনৰ ৰয়েল মিলিটাৰী একাডেমীৰ পৰা স্নাতক ডিগ্ৰী লাভ কৰে। ব্ৰুনাই দেশ ধৰ্মক লৈ যথেষ্ট কঠোৰ৷
৪) ১৯৬৮ চনত চুলতান হাছানালে ব্ৰুনাইৰ ৰাজপাটত বহে। চুলতানে নিজৰ দেশক আগুৱাই নিবলৈ ব্ৰুনাইক এছিয়ান আৰু ৰাষ্ট্ৰসংঘৰ অংশ কৰি তুলিছে। বিলাসী জীৱনশৈলীৰ বাবে পৰিচিত সম্ৰাট হাছানাল। চুলতানৰ আয়ৰ আটাইতকৈ ডাঙৰ উৎস হৈছে তেল আৰু প্ৰাকৃতিক গেছ। ব্ৰুনাইৰ অৰ্থনীতিত তেল আৰু গেছৰ অৰিহণা ৯০ শতাংশতকৈও অধিক। ব্ৰুনাইৰ ৭০ শতাংশ বৰ্ষাৰণ্যৰে আবৃত হৈ আছে।
৫) ব্ৰুনাইৰ চুলতানৰ ৰাজপ্ৰসাদ ‘ইস্তানা নুৰুল ইমান প্ৰাসাদ’ নামেৰে জনাজাত। এই ৰাজপ্ৰসাদটো ব্ৰিটেইনৰ পৰা স্বাধীনতা লাভৰ স্মৃতিসৌধ হিচাপে নিৰ্মাণ কৰা হৈছে। বিশ্বৰ সৰ্ববৃহৎ আৱাসিক প্ৰাসাদ হিচাপে গিনিজ বুক অৱ ৱৰ্ল্ড ৰেকৰ্ডত অন্তৰ্ভুক্ত হৈছে এই আৱাস৷ ২০ লাখ বৰ্গফুটত নিৰ্মাণ কৰা হৈছে এই ৰাজপ্ৰাসাদ৷ ৰাজপ্ৰাসাদৰ গম্বুজ ২২ কেৰেট সোণেৰে সজাই তোলা হৈছে। এই ৰাজপ্ৰসাদৰ মূল্য ২৫৫০ কোটিতকৈও অধিক বুলি অনুমান কৰা হৈছে। ইয়াত পাঁচটা চুইমিং পুল, ২৫৭টা বাথৰুম আৰু ১৭০০ৰো অধিক কোঠা আছে। ১১০টা গেৰেজৰ উপৰিও ২০০টা ঘোঁৰাৰ বাবে এয়াৰ কণ্ডিচনাৰযুক্ত ঘোঁৰাশাল আছে।
৬) ডেইলী মেইলৰ প্ৰতিবেদন অনুসৰি চুলতানে নিজৰ ব্যৱহাৰৰ বাবে বয়িং ৭৪৭ বিমানৰ বাবে প্ৰায় ৩০০০ কোটি টকা বিনিয়োগ কৰিছে। ইয়াত সোণৰ বেচিনৰ বহু দামী দামী সামগ্ৰী আছে৷ তেওঁৰ প্ৰাসাদত থকা এটা সোণৰ বেচিনৰ দামেই ১২ কোটি ডলাৰ। খবৰ অনুসৰি চুলতানে জন্মদিনৰ উপহাৰ হিচাপে কন্যাক এয়াৰবাছ এ ৩৪০ দিছিল।
৭) খবৰ অনুসৰি চুলতানৰ হাতত বিশ্বৰ আটাইতকৈ বিৰল গাড়ীৰ সংকলন আছে। বাহনৰ ভিতৰত আছে সোণ প্লেটেড ৰোলছ ৰয়েচ গাড়ীও। খবৰ অনুসৰি চুলতানৰ ৭০০০ বাহনৰ কালেকছন আছে। ইয়াৰ আনুমানিক মূল্য ৫ বিলিয়ন ডলাৰ। চুলতানৰ হাতত আছে ৩০০খন ফেৰাৰী আৰু ৫০০খন ৰ’লছ ৰয়েচ। খবৰ অনুসৰি চুলতানৰ নিজা চিৰিয়াখানাও আছে। তাত ৩০ টা বেংগল টাইগাৰ আছে। ঈগল আৰু ফ্লেমিংগোও আছে৷
৮) ব্ৰুনাইত সমকামিতাৰ শাস্তি প্ৰদানৰ ব্যৱস্থা আছে। ব্ৰুনাইত শিক্ষাৰ অধিকাৰ সকলোৰে বাবে সমান৷ ব্ৰুনাইত ছিংগাপুৰ ডলাৰ ব্যৱহাৰ কৰিব পাৰে। ইয়াত অৱস্থিত এখন চহৰক ভেনিচ অৱ দ্য ইষ্ট বুলি কোৱা হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
