অতিকে শোকাৱহ, গণেশ মন্দিৰ দৰ্শনৰ বাবে গৈছিল পৰিয়াল, পাছে দুৰ্ঘটনাত প্ৰাণ হেৰুৱালে পৰিয়ালৰ ৬ জনে
আজি দেওবাৰৰ দিনটোত পুৱাই সংঘটিত হয় এক অতিকে শোকাৱহ পথ দুৰ্ঘটনা। মন্দিৰ দৰ্শন কৰাৰ উদ্দেশ্য আহিছিল পৰিয়ালটো, পাছে নিয়তিৰ পৰিহাস, ভাগ্যত লিখা আছিল কিছু বেলেগ। মন্দিৰ দৰ্শন নহয়, বাটতে মৃত্যুক সাৱটি লয় বাহনত থকা সকলো লোক।
ৰাজস্থানত সংঘটিত হৈছে এই শোকাৱহ দুৰ্ঘটনা। ৰাজস্থানৰ ছাৱাই মাধুপুৰত অজ্ঞাত বাহনে প্ৰচণ্ড জোৰে খুন্দা মৰাৰ ফলতে এই দুৰ্ঘটনাটো সংঘটিত হয়। দুৰ্ঘটনাটোৰ সময়ত বাহনখনত একেটা পৰিয়ালৰে ৮জন লোক আছিল। পৰিয়ালটো মন্দিৰ দৰ্শনৰ বাবে ৰন্থামবৌৰলৈ গৈ আছিল।
ছাৱাই মাধুপুৰ জিলাৰ দিল্লী-মুম্বাই এক্সপ্ৰেছৱে’ত আজি পুৱা সংঘটিত পথ দুৰ্ঘটনাত এখন চাৰিচকীয়া বাহনেৰে যাত্ৰা কৰা ৬ জন লোকৰ মৃত্যু হোৱাৰ লগতে দুটি শিশু আহত হয়। গাড়ী আৰোহী সকলে ৰন্থাম্বোৰ গণেশ মন্দিৰ পৰিদৰ্শন কৰিবলৈ গৈ আছিল।
সেই সময়তে এখন অচিনাকি বাহনে গাড়ীখনত খুন্দা মাৰে। বাউনলী থানা এলেকাৰ বানাস দলঙৰ সমীপত পুৱা প্ৰায় আঠ মান বজাত সংঘটিত হয় এই ভয়ংকৰ দুৰ্ঘটনা। গণেশ মন্দিৰ দৰ্শন কৰিবলৈ ৰন্থমবৌৰলৈ গৈ আছিল ছিকাৰৰ এটি পৰিয়াল।
দুৰ্ঘটনাটো ইমানেই ভয়াৱহ হৈ পৰে যে গাড়ীখন উৰুৱাই টুকুৰা টুকুৰ হৈ পৰে আৰু গাড়ীখনত থকা ছয়জন লোকৰ থিতাতে মৃত্যু হয়। একে সময়তে দুটা শিশু গুৰুতৰভাৱে আহত হয়। তথ্য লাভ কৰি আৰক্ষীয়ে ঘটনাস্থলীত উপস্থিত হৈ আহতসকলক চিকিৎসাৰ বাবে চিকিৎসালয়লৈ প্ৰেৰণ কৰাৰ লগতে মৃতদেহ কেইটো মৰণোত্তৰ পৰীক্ষাৰ বাবে প্ৰেৰণ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
