ঘৰুৱাভাৱে কেনেকৈ বৃদ্ধি কৰিব মুখমণ্ডলৰ উজ্বলতা?

মহিলাসকলৰ মুখমণ্ডল আৰু চুলিৰ উজ্বলতা বৃদ্ধি কৰাৰ ক্ষেত্ৰত কোনো ‘যাদুকৰী’ উপায় নাই। চিকিৎসা বিজ্ঞান আৰু কছমেটিক বিশেষজ্ঞসকলৰ মতে, মুখমণ্ডল আৰু চুলিৰ সৌন্দৰ্য মূলতঃ পুষ্টি, জীৱনশৈলী, সঠিক যত্ন আৰু স্বাস্থ্যৰ ওপৰত নিৰ্ভৰ কৰে। ঘৰতেই সুৰক্ষিতভাৱে অনুসৰণ কৰিব পৰা কিছুমান বিজ্ঞানসম্মত উপায় তলত দিয়া হ’ল।
১. পুষ্টিকৰ খাদ্য গ্ৰহণ
মুখমণ্ডল আৰু চুলিৰ স্বাস্থ্য ভিতৰৰ পৰাই আৰম্ভ হয়। চুলি মূলতঃ কেৰাটিন নামৰ প্ৰ’টিনেৰে গঠিত। সেয়ে প্ৰ’টিনযুক্ত খাদ্য যেনে-মাছ, কণী, দাইল, মগু, ছয়াবিন,গাখীৰ আৰু দুগ্ধজাত খাদ্য খালে মুখমণ্ডলৰ উজ্বলতা বৃদ্ধিত সহায় হয়। ইয়াৰ উপৰিও ভিটামিন Cযুক্ত খাদ্য যে কমলা, নেমু, আমলখি, ভিটামিন Aযুক্ত খাদ্য গাজৰ, মিঠা আলু, ভিটামিন Eযুক্ত খাদ্য যেনে বাদাম, সূৰ্যমুখী বীজ জিংকযুক্ত খাদ্য যেনে দাইল, বাদাম; আয়ৰন যুক্ত খাদ্য যেনে সেউজীয়া শাক-পাচলি; ওমেগা-৩-এ মুখমণ্ডলক কোমল আৰু উজ্বল ৰখাত সহায় কৰে।

২. পৰ্যাপ্ত পানী পান কৰক
চিকিৎসা বিশেষজ্ঞসকলৰ মতে দৈনিক প্ৰায় ২–৩ লিটাৰ পানী সেৱন কৰিলে শৰীৰত পানীৰ ভাৰসাম্য বজাই থাকে। ইয়াৰ ফলত মুখমণ্ডল শুকান নহয়, মুখমণ্ডল সতেজ হৈ থাকে, শৰীৰৰ বিষাক্ত পদাৰ্থ নিষ্কাশনত সহায় হয়।
৩. ভালকৈ টোপনি যাওক
কছমেটিক ডাৰ্মাট’লজিষ্টসকলৰ মতে ৭–৯ ঘণ্টা টোপনি অত্যন্ত প্ৰয়োজনীয়। টোপনিৰ অভাৱ হ’লে চকুৰ তলত ক’লা দাগ পৰা, মুখ নিষ্প্ৰভ হোৱাৰ লগতে চুলি দুৰ্বল হোৱা দেখা যায়
৪. সূৰ্যৰ ক্ষতিকাৰক ৰশ্মিৰ পৰা সুৰক্ষা
সূৰ্যৰ UV ৰশ্মিয়ে মুখমণ্ডলত বয়সৰ চাপ বৃদ্ধি কৰাৰ লগতে চালো ক’লা কৰি আনে। এনে ক্ষেত্ৰত SPF 30 বা তাতকৈ বেছি ছানস্ক্ৰীন ব্যৱহাৰ কৰক, ছাতি বা টুপী ব্যৱহাৰ কৰক, দুপৰীয়া তীব্ৰ ৰ’দত দীৰ্ঘ সময় নাথাকিব
৫. ঘৰুৱা ফেচ কেয়াৰ
কেঁচা এল’ভেৰা জেল ব্যৱহাৰ কৰিব পাৰে। এল’ভেৰাত প্ৰদাহনাশক উপাদান থাকে।
ব্যৱহাৰ: মুখ ধুই পাতলকৈ লগাওক, ১৫–২০ মিনিট পিছত ধুই পেলাওক।
দৈ আৰু মৌ
১ চামুচ দৈ, ১ চামুচ মৌ, ১০–১৫ মিনিট লগাই ৰাখি ধুই পেলাওক। ই মুখমণ্ডলৰ চাল কোমল কৰাত সহায় কৰিব পাৰে।
সাৱধানতাঃ নেমু, বেকিং ছ’ডা বা অত্যধিক ঘঁহনি দিয়া স্ক্ৰাব নিয়মিত ব্যৱহাৰ নকৰিব; ই মুখমণ্ডলৰ চালৰ ক্ষতি কৰিব পাৰে।

৬. চুলিৰ যত্ন
নিয়মিত তেল মালিচ কৰিব। নাৰিকল তেল, বাদাম তেলেৰে মালিচ কৰিব পাৰে। সপ্তাহত ১–২ বাৰ হালধীয়া গৰম তেলেৰে মালিচ কৰিলে চুলিৰ ৰুক্ষতা কমিব পাৰে। চুলিত অত্যধিক ছেম্পু নকৰিব। সপ্তাহত ২–৩ বাৰতকৈ বেছি চেম্পু ব্যৱহাৰ কৰাটো চুলিৰ পক্ষে ক্ষতিকাৰক। দৈ বা কণীৰ হেয়াৰ মাস্ক কেতিয়াবা ব্যৱহাৰ কৰিব পাৰে।
৭. মানসিক চাপ নিয়ন্ত্ৰণ
বিজ্ঞানসন্মতভাৱে দেখা গৈছে যে অধিক মানসিক চাপৰ ফলত চুলি সৰা বৃদ্ধি পায়।
উপৰিউক্ত কথাকেইটাৰ উপৰিও নিয়মীত যোগ-ব্যায়াম, ধ্যান, নিয়মীতভাৱে খোজকঢ়াটো মুখমণ্ডলৰ উজ্বলতাৰ বাবে শুভ ফলদায়ক। নিয়মীয়াকৈ ব্যায়ামৰ ফলত শৰীৰৰ ৰক্তসঞ্চালন বৃদ্ধি কৰে। মুখমণ্ডলৰ বাবে প্ৰয়োজনীয় অক্সিজেন আৰু পুষ্টি যোগান বৃদ্ধি কৰে। স্বাভাৱিক উজ্বলতা বৃদ্ধি কৰাত সহায় কৰে।

৯. এই অভ্যাসবোৰ এৰাই চলক
ধূমপান, অতিমাত্ৰা মদ্যপান, অত্যধিক চেনীযুক্ত খাদ্য, বাৰে বাৰে নতুন কছমেটিক ব্যৱহাৰ, মেকআপ আঁতৰাই নেপেলোৱাকৈ শোৱাটো মুখমণ্ডলৰ চালৰ পক্ষে ক্ষতিকাৰক। মুখমণ্ডল আৰু চুলিৰ প্ৰকৃত উজ্বলতা কোনো এটা ক্ৰীম বা ঘৰুৱা উপায়ে তৎক্ষণাত ফল নিদিয়ে। সুষম খাদ্য, পৰ্যাপ্ত পানী, ভাল টোপনি, নিয়মিত ব্যায়াম, সূৰ্যৰ পৰা সুৰক্ষা আৰু সঠিক ত্বক-চুলি যত্নৰ সমন্বয়েই দীঘলীয়া সময়ৰ মূৰত সুস্থ, উজ্বল আৰু আকর্ষণীয় সৌন্দৰ্য গঢ়ি তোলে। যদি অত্যধিক চুলি সৰা, মুখত বেছি দাগ, বা মুখমণ্ডলৰ চালৰ বিশেষ সমস্যা থাকে, তেন্তে এজন Dermatologist-ৰ পৰামৰ্শ লোৱাটো উত্তম।

এই প্ৰতিবেদন যুগুতাইছে মানসজ্যোতিয়ে

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ