অসম লাইভ২৪ঃ বহুদিন ধৰি উচ্চ ৰক্তচাপৰ সমস্যা আছে নেকি? নিয়মিত ঔষধ খালেও উচ্চ ৰক্তচাপ কণ্ট্ৰল হোৱা নাই। চিকিৎসকে উচ্চৰক্তচাপ থকা ৰোগীক নিমখ খোৱাত বাধা আৰোপ কৰে। নিমখ খালেও পৃথক এক নিমখ এইসকল ৰোগীক খাবলৈ অনুমতি দিয়ে চিকিৎসকে। চিকিৎসকে কোৱা অনুসৰি পটাছিয়াম, ছডিয়াম, কেলছিয়াম, মেগনেছিয়াম মিলি মানৱদেহৰ ইলেক্ট্ৰলাইটছ তৈয়াৰ হয়। এই সকলো উপাদান কম বেছি হ’লেই শৰীৰত ইলেক্ট্ৰলাইটছৰ ভাৰসাম্যহীনতাৰ সৃষ্টি হয়। শৰীৰত ছডিয়াম বা পটাছিয়াম যিকোনো এবিধৰ অসামঞ্জস্য ঘটিলেই মৃত্যু পৰ্যন্ত হ’ব পাৰে। আমাৰ স্নায়ুতন্ত্ৰ, মাংসপেশী আৰু হৃদযন্ত্ৰকে আদি কৰি সকলো কামতেই এই দুবিধ যৌগৰ বিশেষ প্ৰয়োজন আছে। সেয়ে শৰীৰত ছডিয়ামৰ অকণমান সামঞ্জস্য ঘটিলেই অসুবিধাৰ সন্মুখীন হ’ব পাৰে। ইয়াৰ অভাৱত কি কি ৰোগে দেখা দিব পাৰে?
‘হাইপন্যাট্ৰিমিয়া’ হ’ব পাৰে?
তেজত ছডিয়ামৰ মাত্ৰা স্বাভাৱিকতকৈ কমি গ’লে ‘হাইপন্যাট্ৰিমিয়া’ত আক্ৰান্ত হ’ব পাৰে। এই ৰোগৰ লক্ষণসমূহ হৈছে মূৰ ঘূৰোৱা, সিদ্ধান্তহীনতা, বমি ভাৱ, কামত অনীহা, ক্লান্তিভাৱ উপসৰ্গই দেখা দিব পাৰে।
এই ৰোগত কি কি সমস্যাই দেখা দিয়ে?
৪৮ ঘণ্টা বা তাতোকৈ বেছি সময় ধৰি তেজত ছডিয়ামৰ মাত্ৰা কমি থাকিলে মস্তিষ্কৰ কাৰ্যকলাপ সুচাৰুৰূপে চলাত বাধাগ্ৰস্থ হয়। আনকি জ্ঞানহীনো হৈ পৰিব পাৰে। যাৰবাবে মৃত্যুৰ সম্ভাৱনা বহু পৰিমানে বাঢ়ি যায়। মহিলাসকলৰ ঋতুস্ৰাৱৰ সময়ত সেয়ে খাদ্যৰ ৰুটিন সঠিককৈ ৰাখিব লাগে।
প্ৰাকৃতিকভাৱে শৰীৰত কেনেকৈ ছডিয়ামৰ ভাৰসাম্য ঠিকে ৰাখিব?
খাদ্যত নিমখৰ মাত্ৰা সঠিককৈ ৰাখিব
ৰক্তচাপ বেছি থাকিলে নিমখ কমকৈ খাব লাগে। কিন্তু তাৰো নিৰ্দিষ্ট পৰিমান আছে। চিকিৎসকৰ পৰামৰ্শ অনুসৰি নিমখৰ মাত্ৰা সঠিককৈ ৰাখিব লাগে। বিশ্ব স্বাস্থ্য সংস্থাই দিয়া নিৰ্দেশনা অনুসৰি প্ৰাপ্তবয়স্ক এজন লোকে প্ৰতিদিনে ৫ গ্ৰাম নিমখ খাব পাৰে।
ছডিয়ামযুক্ত খাদ্য কি কি খাব?
চিজ, সামুদ্ৰিক খাদ্য, বিট, গাজৰ আদি ছডিয়ামযুক্ত নিয়মিত খাব পাৰে। এইসমূহ খাদ্যই ছডিয়ামৰ ভাৰসাম্য বজায় ৰাখে।
শৰীৰত পানীৰ পৰিমান নিয়ন্ত্ৰণত ৰখা
অতিৰিক্ত গৰমত বা শৰীৰচৰ্চা কৰাৰ সময়ত ঘাম ওলায়। তেজত ছডিয়ামৰ মাত্ৰা সঠিক কৰি ৰাখিবলৈ পানীৰ ভূমিকা অপৰিসীম। সেয়ে নিয়মিত পানী খোৱাটো শৰীৰৰ বাবে অতি উপকাৰী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ