কোনে শেষ কৰিলে বিৰাট কোহলী আৰু গৌতম গম্ভীৰৰ মাজত কাজিয়া, অৱশেষত আহিল পোহৰলৈ
ইণ্ডিয়ান প্ৰিমিয়াৰ লীগ (আই পি এল)ৰ জগতখনত প্ৰায়ে হাই-কাজিয়া চলি থাকে, যাৰ ফলত প্ৰতিদ্বন্দ্বিতা তীব্ৰ হৈ উঠে। আই পি এল ২০২৩ৰ এনে এটা উত্তপ্ত মুহূৰ্ত আছিল বিৰাট কোহলী আৰু গৌতম গম্ভীৰৰ মাজৰ বহু চৰ্চিত কাজিয়া। বিশ্বজুৰি ক্ৰিকেট অনুৰাগীৰ দৃষ্টি আকৰ্ষণ কৰিছিল।
সেই ঘটনাই এতিয়া ৰহস্যময় ৰূপ ধাৰণ কৰিছে, কিয়নো এতিয় দুয়োগৰাকী খেলুৱৈৰ মাজত কোনো মতানৈক্য নাই, দেখা মাত্ৰেই সুন্দৰ সম্ভাষণ ইজনে সিজনক। ভাৰতৰ প্ৰাক্তন লেগ স্পিনাৰ অমিত মিশ্ৰই এই কাজিয়া কেনেকৈ সমাধান হ’ল সেই সম্পৰ্কে সবিশেষ প্ৰকাশ কৰিছে।
ৰয়েল চেলেঞ্জাৰছ বেংগালুৰু (আৰ চি বি) আৰু লক্ষ্ণৌ ছুপাৰ জায়েন্টছ (এল এছ জি)ৰ মাজত হোৱা উত্তেজনাপূৰ্ণ মেচত সংঘটিত হয় কোহলী আৰু গম্ভীৰৰ মাজত কাজিয়া। ইয়াৰ আৰম্ভণি হৈছিল কোহলী আৰু এল এছ জিৰ নবীন উল হকৰ সৈতে জড়িত বাকযুদ্ধ হিচাপে, মিশ্ৰই মধ্যস্থতা কৰাৰ চেষ্টা কৰিছিল। মেচৰ পিছৰ প্ৰথাগতভাৱে হোৱা হেণ্ডশ্বেকৰ সময়ত ক্ষোভ আৰু অধিক তীব্ৰতৰ হৈ পৰে, যাৰ ফলত কোহলী আৰু এল এছ জিৰ কোচ গম্ভীৰৰ মাজত উত্তপ্ত পৰিস্থিত হৈ পৰে।
দুয়োটা দলৰ খেলুৱৈ আৰু সহায়ক কৰ্মচাৰীয়ে দুয়োকে পৃথক কৰিবলৈ হস্তক্ষেপ কৰিবলগীয়া হৈছিল। অনুৰাগী আৰু বিশ্লেষকসকলে এই সংঘৰ্ষৰ কাৰণ আৰু প্ৰভাৱৰ বিষয়ে অন্তহীন জল্পনা-কল্পনা কৰিছিল যদিও বৰ্তমানলৈ ইয়াৰ সমাধানৰ প্ৰকৃত কাহিনী লুকুৱাই ৰাখিছিল।
অমিত মিশ্ৰই শুভংকৰ মিশ্ৰৰ ইউটিউব চেনেলত এক স্পষ্ট বাৰ্তালাপত উন্মোচন কৰে যে বিৰাট কোহলীৰ সৈতে হোৱা কাজিয়াৰ অন্ত পেলাবলৈ গৌতম গম্ভীৰেই আগভাগ লৈছিল। গম্ভীৰেই বহল মনৰ অধিকাৰী হৈ দিল্লীৰ প্ৰাক্তন সতীৰ্থৰ কাষ চাপিছিল।
মিশ্ৰই শ্বেয়াৰ কৰে যে, “বিৰাট কোহলি গম্ভীৰৰ ফালে যোৱা নাছিল; গৌতমেহে কোহলীৰ ফালে গৈছিল। তেওঁ গৈ সুধিছিল, ‘আপুনি কেনে আছে? আপোনাৰ পৰিয়াল কেনে আছে?’ গতিকে গৌতমেহে এই কাজিয়াৰ অন্ত পেলাইছিল আৰু কোহলীয়ে নহয়।’
একেটা কথা-বতৰাতে মিশ্ৰই কোহলীৰো প্ৰসংশা কৰি কয় য়ে, বৰ্তমানে কোহলীয়ো সম্পূৰ্ণ সলনি হৈছে। শান্ত হৈছে তেখেকৰ প্ৰকৃতি। পূৰ্বতকৈ বহু শান্ত হৈ পৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
