অসম লাইভ ২৪ঃ শনিবাৰে সন্ধিয়া এগৰাকী সুন্দৰীৰ যুৱতীৰ সৈতে দেখা গ’ল বলিউদৰ চুপাৰষ্টাৰ হৃতিক ৰোশনক৷ মুম্বাইৰ এখন ৰেষ্টুৰেণ্টৰ পৰা হাতত হাত ধৰি দুয়োকে ওলাই অহা দেখা গৈছিল৷
ৰেষ্টুৰেণ্টখনৰ পৰা বগা টি চাৰ্টৰ ওপৰত ক’লা পাতল জাকেট আৰু বগা পেন্ট পৰিহিত চুপাৰষ্টাৰগৰাকীয়ে আগে আগে খোজেৰে ওলাই আহিছে আৰু তেওঁৰ হাতত ধৰি পিছে পিছে খোজকাঢ়ি আহিছে সুন্দৰী যুৱতীগৰাকী৷
যুৱতীগৰাকীয়ে মুখত এটা ক’লা মাস্ক, ব্লেক টপ আৰু মুগা বৰণৰ ল’জ পেন্ট পিন্ধি থকা দেখা গৈছিল৷ ক’লা মাস্ক পৰিহিতা যুৱতীগৰাকীক পাপাৰাজীয়ে চিনিব পৰা নাছিল!
প্ৰকাশিত খবৰ অনুসৰি গাড়ীত নুঠালৈকে হৃতিকে যুৱতীগৰাকীৰ হাতখন এৰি দিয়া নাছিল৷
ইয়াৰ পিছতে বি-টাউনত হৃতিক ৰোশন আৰু যুৱতীগৰাকী দুয়ো এতিয়া ডেটিঙত আছে বুলি বু বু বা বা উলাইছে৷
এতিয়া প্ৰশ্ন হৈছে কোন এই ৰহস্যময় যুৱতীগৰাকী?
প্ৰকাশিত খবৰ অনুসৰি উক্ত ৰহস্যময়ী যুৱতীগৰাকী হৈছে মিউজিচিয়ান আৰু অভিনেত্ৰী চাবা আজাদ৷
উল্লেখ্য যে পত্নী চুজান খানৰ সৈতে বিচ্ছেদ হোৱাৰ পিছৰে পৰা হৃতিক ৰোশচে ছিংগল হৈ আছে বুলি জনা যায়৷
কিছুদিন পূৰ্বে চুজান খানে সৰু পৰ্দাৰ এগৰাকীৰ অভিনেতাৰ সৈতে অন্তৰংগ ফ’টো শ্বেয়াৰ কৰিছিল৷ সামাজিক মাধ্যমত চুজান খানৰ উক্ত ফ’টোসমূহ ভাইৰেল হোৱাৰ পিছতে সম্পৰ্কত অহা বুলিও চৰ্চা লাভ কৰিছিল৷
তাৰ কিছুদিন পিছতে হৃতিক ৰোশনক হাতে হাতে ধৰি থকা অৱস্থাত এগৰাকীৰ ৰহস্যময়ী যুৱতীৰ সৈতে মুম্বাইৰ বিলাসী ৰেষ্টুৰেণ্টৰ পৰা ওলাই অহা দেখা পোৱাৰ লগে লগে অভিনেতাগৰাকীও কোনো যুৱতীৰে সম্পৰ্কত অহা বুলি এতিয়া চৰ্চা লাভ কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
