ট্ৰাম্পে দ্বিতীয়বাৰৰ বাবে আমেৰিকাৰ ৰাষ্ট্ৰপতি হিচাপে শপতগ্ৰহণ কৰাৰ কেইটামান ঘণ্টা পাৰ নৌহওঁতেই লৈছে কেইবাটাও গুৰুত্বপূৰ্ণ সিদ্ধান্ত৷ আমেৰিকাৰ পৰা অবৈধ নাগৰিকক উচ্ছেদ কৰা হ’ব বুলি ঘোষণা কৰিছে ট্ৰাম্পে৷ ব্লুমবাৰ্গৰ এক প্ৰতিবেদন অনুসৰি প্ৰায় ১৮০০০ ভাৰতীয় নাগৰিককো আমেৰিকাৰ পৰা ভাৰতলৈ উভতাই পঠিয়াব ট্ৰাম্প প্ৰশাসনে৷ নতুন দিল্লীয়েও উভতি অহা ভাৰতীয়ক আদৰি ল’বলৈ প্ৰস্তুত বুলি প্ৰকাশ পাইছে এই প্ৰতিবেদনত৷
এক সূত্ৰক উদ্ধৃত কৰি ব্লুমবাৰ্গে জনাইছে যে আমেৰিকা আৰু ভাৰত মিলি এই ১৮০০০ অবৈধ ভাৰতীয় নাগৰিক আমেৰিকাত থকাটো চিনাক্ত কৰিছে৷ ১৮ হাজাৰ চিনাক্ত কৰিলেও অবৈধ ভাৰতীয় নাগৰিকৰ সংখ্যা আমেৰিকাত আৰু বেছি বুলিও প্ৰকাশ পাইছে সেই প্ৰতিবেদনত৷ ট্ৰাম্পে ক্ষমতা গ্ৰহণ কৰি সিদ্ধান্ত ল’লেও আমেৰিকাত এতিয়াও অবৈধ নাগৰিক চিনাক্ত কৰা হোৱা নাই৷
বিগত নৱেম্বৰত প্ৰেছিডেণ্ট নিৰ্বাচনত কমলা হেৰিছৰ বিৰুদ্ধে ট্ৰাম্পৰ চমকপ্ৰদ জয়ৰ আঁৰতো আছে এই বিশেষ কাৰণ৷ ট্ৰাম্পে নিৰ্বাচনী প্ৰচাৰতেই জনাইছিল যে আমেৰিকাৰ অবৈধ নাগৰিকক ক্ষমতা পালেই উচ্ছেদ কৰিব৷ সেই কথাই আমেৰিকাবাসীৰ মন মুহিছিল৷ অৱশেষত ট্ৰাম্পেই বিজয়ৰ হাঁহি মাৰিলে৷ দ্বিতীয়বাৰৰ বাবে ক্ষমতা দখল কৰিয়েই ট্ৰাম্পে প্ৰতিশ্ৰুতি পূৰণ কৰিছে আমেৰিকাবাসীৰ৷ ১৮০০০ অবৈধ ভাৰতীয়ক উভতাই পঠিয়াইছে ট্ৰাম্পে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
