কঁপি উঠিল পাকিস্তান- ভাৰতীয় বীৰ সেনাৰ দপদপনি
পাকিস্তানৰ ব্যৰ্থ আক্ৰমণৰ উপযুক্ত উত্তৰ দি ভাৰতে পুনৰবাৰ স্পষ্ট কৰি দিছে যে দেশৰ সাৰ্বভৌমত্বৰ ক্ষেত্ৰত কোনো আপোচ নহ’ব। ভাৰতৰ ‘অপাৰেচন সিন্দূৰ’ত বিৰক্ত হৈ পৰা পাকিস্তানে যোৱা ৮ আৰু ৯ মে’ৰ নিশা সীমান্তৰ সিপাৰে সংঘটিত কৰা উত্তেজক কার্যৰ উপযুক্ত উত্তৰ দিছে ভাৰতীয় সেনাই৷ যাৰ ফলত এতিয়া কঁপি উঠিছে পাকিস্তান। ভাৰতীয় বীৰ সেনাই এফালৰ পৰা ধ্বংস কৰি গৈছে।
বৃহস্পতিবাৰে সন্ধিয়া জম্মুৰ সীমান্ত অঞ্চলত পাকিস্তানে নিক্ষেপ কৰা কমেও ৮টা ক্ষেপণাস্ত্ৰ ভাৰতৰ প্ৰতিৰক্ষা ব্যৱস্থাই আকাশৰ মাজভাগত সফলতাৰে শেষ কৰি দিয়ে। সীমান্তত পাকিস্তানৰ প্ৰতিটো কাৰ্যৰ উপযুক্ত উত্তৰ দিয়া দেখা গ’ল ভাৰতীৰ বীৰ সেনাৰ। ভাৰতৰ প্ৰতিৰক্ষা ব্যৱস্থাই পাকিস্তানে সংঘটিত কৰা সকলো ড্ৰ’ন আক্ৰমণৰ উপযুক্ত উত্তৰ দি আকাশৰ মাজত ধ্বংস কৰি পেলালে।
ভাৰতে লাহোৰ, ইছলামবাগ, কৰাচী, ছিয়ালকোট, বাহাৱালপুৰ, পেছাৱাৰ আৰু প’কত কোটলীত দ্ৰুত প্ৰতিশোধমূলক ব্যৱস্থা গ্ৰহণ কৰি পাকিস্তানক উপযুক্ত উত্তৰ দিছে। পাথানকোট বিমান ঘাটিক লক্ষ্য কৰি পাকিস্তানে মিছাইল আৰু ড্ৰোন আক্ৰমণ চলাইছিল যদিও ভাৰতীয় বায়ু প্ৰতিৰক্ষা ব্যৱস্থাৰ দ্ৰুত আৰু ফলপ্ৰসূ কাৰ্য্যই সকলো আক্ৰমণ বিফল কৰি পেলায়।
পাকিস্তানে নিক্ষেপ কৰা সকলো ক্ষেপণাস্ত্ৰ আৰু ড্ৰোন ভাৰতৰ অত্যাধুনিক বায়ু প্ৰতিৰক্ষা ব্যৱস্থা বিশেষকৈ এছ-৪০০ ‘সুদৰ্শন চক্ৰ’ ব্যৱস্থাৰ দ্বাৰা আকাশৰ মাজত ধ্বংস কৰা হয়। সীমা অতিক্ৰম কৰি সন্ত্ৰাসবাদৰ প্ৰতি ভাৰতৰ প্ৰতিশোধ নিখুঁত আৰু সুষম। যিকোনো প্ৰৰোচনা বা উত্তেজনা বৃদ্ধিৰ চেষ্টা ভাৰতে কঠোৰভাৱে প্ৰতিহত কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
